*KASEJA ATUA TENA YANGA KWA DAU LA SH.MILIONI 40, BARTEZ KUTUA ASHANT?

Kipa wa zamani wa Simba, Juma Kaseja, akimwaga wino Yanga huku akishuhudiwa na Seif Magari. Nyuma ni Meneja wake, Abdulfatah Salim Saleh.

***************************

KIPA hodari nchini, Juma Kaseja jana amesaini Mkataba wa miaka miwili na klabu ya Yanga SC kwa dau la Shilingi Milioni 40.

Kaseja amesainshwa na vigogo wa Usajili wa Yanga, Abdallah Ahmed Bin Kleb na Seif Ahmed ‘Magari’ mbele ya Meneja wake, Abdulfatah Salim Saleh Ilala jijini Dar es Salaam.

Kaseja sasa anakwenda kuungana na makipa wawili aliowahi kufanya nao kazi katika Klabu ya Simba SC, ambao ni Ally Mustafa ‘Barthez’ na Deo Munishi ‘Dida’,ambo wote walikuwa ni makipa namba mbili.

Hii inakuwa mara ya pili Kaseja kusajiliwa Yanga, baada ya awali kusajiliwa mwaka 2009 akitokea Simba SC na baada ya msimu mmoja wa Mkataba wake kumalizika akaachwa na kurejea Msimbazi.

Kaseja aliachwa Simba SC mwishoni mwa msimu kwa madai kiwango chake kimeshuka na amelazimika kuukosa mzunguko wa kwanza wa Ligi Kuu ya Bara, ingawa sasa baada ya kumwaga wino Yanga anarudi kazini Januari.

Kikubwa kilichoisukuma Yanga SC kumsajili kipa huyo ni uzoefu wake katika michezo ya kimataifa na inataka inufaike naye katika Ligi ya Mabingwa Afrika mwakani. 

Wakati Kaseja, akimwaga wino Yanga, kumeenea tetesi kuwa aliyekuwa kipa namba moja wa Yanga, ambaye alikuwa ni kipa namba mbili kwa Kaseja wakati wakiwa wote Simba, Mustafa Bartez, amedaiwa kufanya mipango ya kutimkia Ashant United.

Aidha imeelezwa kuwa Kipa huyo anafanyiwa mipango hiyo na Kundi la Friends of Simba ili aweze kutua Ashant,na kumuachia nasafi Kaseja na Dida.

Kaseja na Bin Kleb, nyuma Abdulfatah. Picha kwa hisani ya Bin Zubeiry