Timu ya Soka Taifa ya Wanawake chini ya miaka 20 ya Tanzanite, leo tena imeendeleza ubabe ugenini kwa kuigeuza asusa timu pinzani ya Msumbiji kwa kuichapa mabao 5-1 na kufanya kutimiza jumla ya mabao 15-1 na kusonga mbele kucheza raundi ya pili kuelekea kukata tiketi ya michuano ya Kombe la Dunia.
Bambao ya Tanzanite yalifungwa na Selda Boniface, aliye tupia mabao matatu, Vumilia Maarifa bao moja na Dionisia Minja bao moja.
Timu hiyo ya Msumbiji imetolewa kwenye mashindano hayo baada ya kupigwa jumla ya mabao 15-1 na watoto wa Jakaya Tanzanite.
Tanzanite wanasubiri mshindi wa mechi kati ya Afrika kusisin na Botswana ambapo wakishinda wataingia rasmi kwenye michuano hiyo ya kuwania Kombe la Dunia.
Msafara wa Tanzanite ulioongozwa na mjumbe wa Kamati ya Utendaji ya Shirikisho la Mpira wa Miguu Tanzania (TFF), Kidao Wilfred utawasili Uwanja wa Ndege wa Kimataifa wa Julius Nyerere (JNIA) kesho Jumapili (Novemba 10 mwaka huu) saa 8.30 mchana kwa ndege ya LAM.
Tanzanite inayofundishwa na Rogasian Kaijage itacheza mechi ya raundi ya pili dhidi ya Afrika Kusini. Mechi ya kwanza itachezwa jijini Dar es Salaam kati ya Desemba 6 na 8 mwaka huu wakati ile ya marudiano itafanyika Afrika Kusini kati ya Desemba 20-22 mwaka huu
No comments:
Post a Comment