RAIS DKT. MAGUFULI AWATAKA WAKANDARASI NCHINI KUJITATHMINI

 Rais wa Jamhuri ya Muungano wa Tanzania Dkt. John Pombe Magufuli akizungumza wakati wa Mkutano wa 10 wa Baraza la Taifa Biashara Tanzania (TBNC) uliofanyika Ikulu Jijini Dar es Salaam leo. Kutoka kushoto ni Waziri Mkuu na Mjumbe wa Baraza hilo Kassim Majaliwa, Mwenyekiti wa Taasisi ya Sekta Binafsi (TPSF) Dkt. Reginald Mengi, Katibu Mkuu Kiongozi na Mwenyekiti wa Kamati Tendaji wa TBNC Balozi John Kijazi na Waziri wa Nchi, Ofisi ya Waziri Mkuu, Sera, Bunge, Kazi, Vijana Ajira, na Walemavu Jenista Mhagama.

 Katibu Mkuu Kiongozi na Mwenyekiti wa Kamati Tendaji wa Baraza la Taifa la Biashara Tanzania (TBNC), Balozi John Kijazi akitoa utambulisho wa wajumbe wa Baraza la Taifa la Biashara Tanzania (TBNC) wakati wa Mkutano wa 10 wa Baraza hilo na uzinduzi wa Baraza hilo leo Ikulu Jijini Dar es Salaam.

*********************************************************

Na Jacquiline Mrisho.

Rais wa Jamhuri ya Muungano wa Tanzania Dkt. John Pombe Magufuli amewataka wakandarasi nchini kujitathmini, kurekebisha makosa yao pamoja na kutumia fursa mbalimbali zinazotolewa na Serikali badala ya kuilalamikia kuwa haiwasaidii.

Rais Magufuli ameyabainisha hayo wakati akiongea na wafanyabiashara wa sekta binafsi katika mkutano wa 10 wa Baraza la Taifa la Biashara (TNBC) uliofanyika leo Ikulu Jijini Dar es Salaam.

Rais Magufuli amesema kuwa tenda mbalimbali za ujenzi wa miundombinu zimekuwa zikitolewa na Serikali mara kwa mara lakini wakandarasi nchini wamekuwa hawazitumii fursa hizo na matokeo yake zinatolewa kwa wakandarasi kutoka nchi zingine. KUSOMA ZAIDI BOFYA HAPA

“Serikali inatangaza tenda nyingi za ujenzi wa miundombinu na kwa kiasi kikubwa huwa inawalenga wakandarasi wa ndani kuliko wanaotoka nje lakini wakandarasi wetu wamekuwa hawazitumii fursa hizo, Serikali itachoka kuwabeba hivyo wakae wajitathmini,” alisema Rais Magufuli.

Ameongeza kuwa wakandarasi wanatakiwa kuungana na kufanya kazi kwa pamoja ili waweze kupata tenda zinazotolewa na Serikali kwa urahisi pia amewataka wawe wazalendo katika upangaji wa bei za kazi zao.

Akitoa mfano wa kukosa uzalendo, Rais Magufuli amesema kuwa wakandarasi wa hapa nchini walipoombwa kutoa bei za ujenzi wa mabweni ya Chuo Kikuu cha Dar es Salaam walitaja kiasi cha shilingi kati ya bilioni 150 na 200 wakati Wakala wa Majengo (TBA) waliyajenga kwa bilioni kumi tu.

Aidha, Rais Magufuli amewapongeza wafanyabiashara wa sekta binafsi kwa kushirikiana na Serikali katika kujenga uchumi wa viwanda na kuwahakikishia kuwa Serikali iko pamoja nao katika kuweka mazingira mazuri ya uwekezaji.

Kwa upande wake Waziri Mkuu, Mhe. Kassim Majaliwa ametoa siku moja kwa taasisi zinazohusika na huduma za bandari zikiwemo za Mamlaka ya Mapato Tanzania (TRA), Shirika la Viwango Tanzania (TBS), Mamlaka ya Chakula na Dawa (TFDA) kuanza kutoa huduma zao kwa saa 24.

“Tumeamua kufanya hivyo ili kurahisisha huduma kwa wafanyabiashara kwani wamekua wakipata shida kwa kutumia muda mrefu kupata huduma katika bandari yetu, nafikiri njia hiyo itachochea wafanyabiashara kuwekeza zaidi”, alisema Mhe. Majaliwa

Ametoa rai kwa wafanyabiashara wa sekta binafsi kuwekeza kwenye kilimo kwani maendeleo ya ujenzi wa viwanda unategemea malighafi zinazotokana na kilimo.

Aidha Majaliwa alisema Serikali imekusudia kupanua wigo katika sekta ya kilimo kwa kuleta zana bora za kilimo, kuendelea kupunguza kodi katika mazao pamoja kuiwezesha Benki ya Kilimo kuendelea kutoa mikopo kwa wingi.

Nae, Mwenyekiti wa Taasisi ya Sekta Binafsi, Dkt. Reginald Mengi ameipongeza Serikali kwa kutekeleza ahadi mbalimbali walizojiwekea zikiwezo za elimu bure, ujenzi wa miundombinu, ununuzi wa ndege pamoja na kukaa na wananchi na wadau mbalimbali kusikiliza na kutatua changamoto zao,

“Ushiriki wa wadau kwenye kikao hiki ni muendelezo chanya wa mahusiano mazuri kati ya Serikali na sekta binafsi, ninaamini majadiliano haya yatatatua changamoto za wafanyabiashara wa sekta binafsi”,alisema Dkt. Mengi.

 Baadhi ya wajumbe wa Baraza la Taifa la Biashara Tanzania (TBNC) wakifuatilia hotuba ya Rais wa Jamhuri ya Muungano wa Tanzania, Dkt. John Pombe Magufuli ambaye pia ndiye Mwenyekiti wa Baraza hilo wakati wa Mkutano wa 10 wa Baraza hilo leo Ikulu Jijini Dar es Salaam.

 Baadhi ya wajumbe wa Baraza la Taifa la Biashara Tanzania (TBNC) wakifuatilia hotuba ya Rais wa Jamhuri ya Muungano wa Tanzania, Dkt. John Pombe Magufuli ambaye pia ndiye Mwenyekiti wa Baraza hilo wakati wa Mkutano wa 10 wa Baraza hilo leo Ikulu Jijini Dar es Salaam.

 Rais wa Jamhuri ya Muungano wa Tanzania Dkt. John Pombe Magufuli akipeana mkono na Mwenyekiti Mwenyekiti wa Taasisi ya Sekta Binafsi Tanzania(TPSF) Dkt. Reginald Mengi wakati wa Mkutano wa 10 wa Baraza la Taifa Biashara Tanzania (TBNC) uliofanyika Ikulu Jijini Dar es Salaam leo. Kushoto ni Waziri Mkuu na Mjumbe wa Baraza hilo Kassim Majaliwa.

 Rais wa Taasisi ya Wakuu wa Makampuni CEO Round Table Ally Mfuruki akisalimiana na Mwenyetiki wa Taasisi za Kibenki ambaye pia ni Mkurugenzi Mtendaji wa Benki ya CRDB Dkt. Charles Kimei wakati wa Mkutano wa 10 wa Baraza la Taifa Biashara Tanzania (TBNC) uliofanyika Ikulu Jijini Dar es Salaam leo. Kushoto ni Waziri wa Viwanda, Biashara na Uwekezaji Charles Mwijage.

 Mkurugenzi wa Taasisi ya Sekta Binafsi Tanzania (TPSF) Godfrey Simbeye akiteta jambo na Gavana wa Benki Kuu (BOT) Profesa Benno Ndulu wakati wa Mkutano wa 10 wa Baraza la Taifa Biashara Tanzania (TBNC) uliofanyika Ikulu Jijini Dar es Salaam leo.

 Baadhi ya washiriki wa mkutano wa 10 wa Baraza la Taifa la Biashara Tanzania (TBNC) wakichangia mada wakati wa mkutano huo ulifanyika Ikulu Jijini Dar es Salaam leo. 

Baadhi ya washiriki wa mkutano wa 10 wa Baraza la Taifa la Biashara Tanzania (TBNC) wakichangia mada wakati wa mkutano huo ulifanyika Ikulu Jijini Dar es Salaam leo.

 Baadhi ya washiriki wa mkutano wa 10 wa Baraza la Taifa la Biashara Tanzania (TBNC) wakichangia mada wakati wa mkutano huo ulifanyika Ikulu Jijini Dar es Salaam leo.

 Waziri wa Viwanda, Biashara na Uwekezaji Charles Mwijage akifafanua jambo wakati wa Mkutano wa 10 wa Baraza la Taifa la Biashara Tanzania (TBNC) ambao pia uliambatana na uzinduzi wa Baraza hilo leo Ikulu Jijini Dar es Salaam.

 Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), George Simbachawene akifafanua jambo wakati wa Mkutano wa 10 wa Baraza la Taifa la Biashara Tanzania (TBNC) ambao pia uliambatana na uzinduzi wa Baraza hilo leo Ikulu Jijini Dar es Salaam.

 Waziri wa Ardhi, Nyumba na Maendeleo ya Makazi William Lukuvi akielezea jambo wakati wa Mkutano wa 10 wa Baraza la Taifa la Biashara Tanzania (TBNC) ambao pia uliambatana na uzinduzi wa Baraza hilo leo Ikulu Jijini Dar es Salaam.

  Mwenyekiti wa Taasisi ya Sekta Binafsi Tanzania (TPSF) Dkt. Reginald Mengi akiteta jambo na Katibu Mtendaji wa Baraza la Taifa la Biashara Tanzania (TBNC) Mhandisi Raymond Mbilinyi (katikati) na Mkurugenzi Mtendaji wa TPSF, Godfrey Simbeye.

 Katibu Mkuu wa Ofisi ya Rais – TAMISEMI Mhandisi, Mussa Iyombe akielezea jambo mbele ya Waziri wa Nishati na Madini Profesa Sospether Muhongo (katikati), Waziri wa Maji na Umwagiliaji Mhandisi Gerson Lwenge na Waziri wa Maliasili na Utalii Profesa Jumanne Maghembe (kushoto).

 Rais wa Jamhuri ya Muungano wa Tanzania Dkt. John Pombe Magufuli akiwa katika picha ya pamoja na wajumbe wa Baraza la Taifa la Biashara Tanzania (TBNC) wakati wa Mkutano wa 10 hilo uliofanyika Ikulu Jijini Dar es Salaam leo. Kutoka kushoto ni Waziri Mkuu na Mjumbe wa Baraza hilo Kassim Majaliwa, Mwenyekiti wa Taasisi ya Sekta Binafsi Tanzania (TPSF) Dkt. Reginald Mengi, Katibu Mkuu Kiongozi na Mwenyekiti wa Kamati Tendaji ya TBNC, Balozi John Kijazi na Waziri wa Nchi, Ofisi ya Waziri Mkuu, Sera, Bunge, Kazi, Vijana Ajira, na Walemavu Jenista Mhagama. Picha zote na: Frank Shija – MAELEZO.