SUFIANI MAFOTO

*JK NDANI YA KONGAMANO LA UCHUMI DUNIANI, MJINI DAVOS

2012-01-28T09:07:00.000-08:00

Rais Jakaya Mrisho Kikwete, akisalimiana na Mwenyekiti wa Bill and Melinda Gates Foundation Bw. Bill Gates wakati wa Kongamano la Uchumi Duniani mjini Davos, Switzerland.

*MO DEWJI APOKEA MSAADA WA BAISKELI ZA WALEMAVU

2012-01-27T12:21:00.000-08:00


Na Mwandishi wetu. Mbunge wa jimbo la Singida mjini Mh. Mohammed Dewji amepokea msaada wa baiskeli 5 za walemavu kwa ajili ya jimbo lake zilizotolewa na Taasisi ya Lions Club Tanzania. Mh. Dewji amekabidhiwa msaada huo leo jijini Dar es Salaam na Mkuu wa Club za wanachama wa Lions Club Tanzania na Uganda Satish Sharma, katika makabidhiano yaliyofanyika katika Shule ya Msingi Gerezani. Mh. Dewji ameshukuru msaada huo akisema utakua faraja kwa wananchi wa jimbo lake ambao wanamatatizo ya ulemavu wa viungo. “Nawashukuru Lions Club kwa msaada huu na utakua chachu kwa wananchi wa jimbo la Singida hususani walemavu wakiwemo wale wa viungo walio na mahitaji maalum, kwa kuwa baiskeli hizi zitawasaidia sana hivyo nawashukuru” amesema Mh. Dewji. Kwa upande wake Satish Sharma amesema licha ya kukabidhi msaada huo wa baiskeli za walemavu, Lions Club wametoa misaada mbalimbali kwa nchi za Tanzania na Uganda, ikiwemo baiskeli hizo na vifaa mbalimbali vya shule. “Kwa sasa Lions Club tunaendelea kutoa misaada mbalimbali ya kijamii vikiwemo vifaa vya mashuleni na michango mingine ikiwemo baiskeli na baada ya hapa tutaazunguka mikoa ya Morogoro na kisha kanda ya Ziwa mikoa ya Mwanza, Msoma, Bunda na Shinyanga” amesema Satish. Lions Club mpaka sasa ina wanachama 1600 na Club 48 kwa nchi za Tanzania na Uganda, ambapo wamekua mstari wa mbele katika kusaidia misaada ya kijamii kwa nchi mbalimbali zilizo na wanachama Duniani kote.

*FRANCIS CHEKA KALAMA NYILAWILA WAPIMA UZITO KWA KUZICHAPA KESHO

2012-01-27T12:10:00.000-08:00

Bondia Kalama Nyilawila (kushoto) akitunishiana misuri na Francis
Cheka baada ya kupima uzito leo kwa ajiri ya mpambano wao utakaofanyika
katika uwanja wa Jamhuri Morogoro kesho.Picha na Super D

Dogo Aslay kupamba pambano hilo katika Uwanja wa Jamhuri Morogoro.

*MAONI YA MDAU DAUDI ISMAIL "Serikali yasita nini kuweka wazi ugonjwa wa Mwakyembe"?

2012-01-27T12:04:00.000-08:00

• Serikali yasita nini kuweka wazi ugonjwa wa Mwakyembe?

Na Mwandishi wetu

Naibu Waziri wa Ujenzi, Dk. Harrison Mwakyembe
Naibu Waziri wa Ujenzi, Dk. Harrison Mwakyembe

NAANDIKA makala hii kwa uangalifu mkubwa nikitambua kwamba ni mfano wa makala ambazo ukishaandika na kuchapishwa gazetini, kesho yake unaweza kufuatwa nyumbani na maofisa wa polisi au wa Usalama wa Taifa na kutakiwa utoe ushahidi wa uliyoyaandika.

Najihami mapema kwao kwamba hakuna jambo lolote jipya katika makala hii linaloweza kuwachochea kunifuata; maana yote yalishawekwa wazi kwenye vyombo vingi vya habari, na wala hayakupatwa kukanushwa.

Kwa hiyo, hakuna jipya hapa mbali ya hoja zangu ambazo naamini zinafikirisha. Kama bado watanifuata, basi, lengo lao litakuwa ni kunitisha (mimi na wengine) ili nisiandike tena kuhusu suala hili.

Ndugu zangu, suala ninalojaribu kuliandika kwa tahadhari kubwa hapa ni la masahibu yaliyomkuta Naibu Waziri wa Ujenzi, Mbunge wa Kyela na mmoja wa makamanda wa vita dhidi ya ufisadi nchini, Dk. Harrison Mwakyembe.

Ni karibu miezi miwili sasa tangu Dk. Mwakyembe arejee kutoka India alikopelekwa kwa matibabu ya ugonjwa ambao mpaka sasa umma haujaelezwa rasmi jina lake.

Nimekuwa nikisita kwenda nyumbani kwake kumpa pole, kwa sababu mwenzetu wa Raia Mwema tuliyemtuma kwenda kumuona mara aliporejea kutoka India, alitupa simulizi ya kusikitisha juu ya hali yake. Na mimi kwa udhaifu wa moyo wangu, nahofia ‘presha’ inaweza kunipanda nikimuona, na pengine kuanguka hapo hapo nyumbani kwake.

Kusita kwangu kwenda kumuona na kumpa pole kuliimarishwa zaidi na habari niliyoisoma kwenye gazeti la Tanzania Daima, toleo la Januari 4, 2012, ukurasa wa kwanza, iliyobeba kichwa kinachosomeka “Dk. Mwakyembe ana siri nzito”.

Kwenye habari hiyo ilielezwa kwamba afya ya Mwakyembe inasikitisha; kwani licha ya kupata matibabu nchini India na kuendelea na tiba hiyo hapa nchini, hali yake si ya kuridhisha.

Kwa mujibu wa habari hizo, kucha za vidoleni na miguuni zimeoza na zina rangi nyeusi, miguu na mikono yake imepasuka mithili ya mtu mwenye magamba ambayo wakati mwingine hutoa damu.

Si hivyo tu. Tumeelezwa pia kwamba kichwani hana nywele; kwani zimepukutika zote ikiwa ni pamoja na nyusi za kope. Hali hii humfanya muda wote avae kofia kichwani na glovu mikononi na hata miguuni kuhifadhi viungo vyake hivyo.

Maelezo hayo ya hali ya Dk. Mwakyembe hayanipi mimi, mwenye moyo dhaifu, ujasiri wa kwenda kumuona, na naishia tu kumwombea kwa Mwenyenzi Mungu kwenye sala zangu. Niseme tu kwa Dk. Mwakyembe kupitia makala hii: Hang in there brother, pambana kuokoa maisha yako. Mungu atakusaidia.

Ukweli ni kwamba, kwa yaliyomsibu Dk. Mwakyembe; hata kama atapona kabisa, hawezi kuwa Mwakyembe yule yule tuliyemzoea.

Kwa hakika, atahitaji miaka mingi ya tiba ya kiroho (spiritual healing) na ushauri nasaha kutoka kwa mabingwa wa dunia wa fani hiyo kuweza kusahau yote yaliyomsibu na kuendelea na maisha yake kama kawaida. Huo ndio ukweli wa kipimo cha masahibu yaliyomkuta.

Nikitafakari masahibu hayo yaliyomkuta kamanda huyu wa vita dhidi ya ufisadi, nahisi kuna kitu hakiko sawa katika namna Serikali ya Rais Jakaya Kikwete inavyolishughulikia suala la kiongozi huyo wa Serikali.

Hata hivyo, kabla sijakizungumzia kitu hicho, nianze kwa kumshukuru na kumpongeza Rais Kikwete kwa hatua aliyoichukua ya haraka ya kumpeleka India Dk. Mwakyembe siku alipomtembelea nyumbani kwake na kusononeshwa na hali aliyomkutanayo.

Habari za uhakika nilizonazo ni kwamba Rais Kikwete alihuzunishwa mno na hali ya Dk. Mwakyembe kiasi kwamba alianza hapo hapo sebuleni kwa Mwakyembe kumpigia simu Waziri Magufuli na Waziri wa Afya na kuwapa maelekezo kwamba anataka kuona Dk. Mwakyembe anapelekwa India kwa matibabu ndani ya kipindi cha saa 24! Na ndivyo ilivyokuwa.

Kwa mtazamo wangu; namna Kikwete alivyoishughulikia kwa haraka safari hiyo ya India ya Mwakyembe, ni uthibitisho wa kutosha kwamba Rais wetu ni mwenye huruma na upendo.

Kikwete anaweza akawa na udhaifu wake kiuongozi; lakini ukweli unabaki pale pale kwamba yu mwenye huruma na mpole, na hizo ni sifa zinazotunisha thawabu zake kwa Mungu!

Kuhusu suala la mushkeli ninaouona katika namna ambavyo Serikali yake inavyolishughulikia suala la Mwakyembe, napenda nikite kwenye huu ububu wa Serikali katika kuueleza umma nini hasa kilimsibu jemadari huyo wa vita dhidi ya ufisadi.

Kwa jinsi ninavyofahamu, Dk. Mwakyembe amerejea nchini na ripoti ndefu ya madaktari wa India waliomtibu ambayo inaeleza nini hasa chanzo cha kuzorota kwa hali yake ya afya, na ripoti hiyo ameiwasilisha serikalini; kwani ni Serikali ndiyo iliyompeleka India kwa matibabu. Hili halina ubishi.

Linaloweza kuwa na ubishi lakini unaojadilika, ni hili ambalo nimelijenga katika hisia. Hisia zangu ni kwamba Dk. Mwakyembe mwenyewe anapenda Serikali iweke hadharani ripoti hiyo ya madaktari wake aliyorejeanayo kutoka India. Kwa maneno mengine; Dk. Mwakyembe anataka umma uelezwe nini kilichomsibu.

Baadhi ya watu anaowaamini waliopata kumtembelea nyumbani kwake, si tu amewadokezea kilichomo kwenye ripoti hiyo, lakini pia amesema kwamba kama Serikali itaendelea na ububu wa kutoitoa hadharani, basi, yeye ataeleza umma siri iliyomo kwenye ripoti hiyo ya madaktari wa India.

Sasa kama nipo sahihi kwamba Dk. Mwakyembe mwenyewe anataka umma uelezwe kilichomo kwenye ripoti ya madaktari hao wa India, sielewi ni kwa nini Serikali inasita kufanya hivyo.

Majibu ambayo Katibu Mkuu wa Wizara ya Afya na Ustawi wa Jamii, Blandina Nyoni, alilipa gazeti la Majira (toleo hilo la Januari 4); kwamba eti suala la ugonjwa wa Mwakyembe aulizwe mwenyewe Mwakyembe, hayaridhishi na hayana busara ndani yake.

Ni kweli kwamba ugonjwa wa mtu ni siri ya mgonjwa mwenyewe; lakini vipi kama mgonjwa mwenyewe anataka siri ya ugonjwa wake iwekwe hadharani? Na tunao mfano wa ridhaa ya Rais Kikwete kwa daktari wake kuelezea hali ya afya yake (ugonjwa) mbele ya waandishi wa habari. Uamuzi uliofuatia na tukio la yeye (Kikwete) kuanguka jukwaani, mkoani Mwanza.

Isitoshe; hapa hatuzungumzii mgonjwa wa kawaida. Hapa tunazungumzia mgonjwa ambaye ni Naibu Waziri, Mbunge, mwanaharakati wa haki za binadamu na mmoja wa makamanda wa vita dhidi ya ufisadi.

Isitoshe; hapa vilevile tunamzungumzia kiongozi wa ngazi ya waziri ambaye waziri mwingine mwandamizi serikalini, na ambaye ni mpambanaji mwenzake katika vita dhidi ya ufisadi (Samuel Sitta) tayari alishautangazia umma kwamba kinachomsibu Dk. Mwakyembe ni sumu.

Na Samuel Sitta si pekee kuutangazia umma hivyo kwenye kipindi cha Dakika 45 cha ITV; kwani Mwenyekiti wa Halmshauri ya Kyela naye alisema hivyo hivyo na kunukuliwa na magazeti siku alipomtembelea Mwakyembe nyumbani kwake aliporejea kutoka India.

Watu hawa wawili – Sitta na Mwenyekiti wa Halmashauri ya Kyela, ni watu walio karibu sana na Dk. Mwakyembe, na hivyo yawezekana kabisa dhana hiyo ya kupewa “sumu” imetoka kwa Mwakyembe mwenyewe (from the horse’s mouth).

Sasa, kama mazingira ni haya, kwa nini Serikali haioni umuhimu wa kuiweka hadharani ripoti hiyo ya madaktari wa India ili ukweli rasmi ufahamike? Inaona ugumu gani kufanya hivyo?

Kama, kwa mfano, (narudia maneno ‘kwa mfano’ ) kilichomsibu ni kuwekewa sumu ya polonium 210 kama ile iliyotumika kumuua kachero wa Urusi, mjini London, Alexander Litvinenko, basi umma uambiwe; maana katika u-Mafia ambao tumeufikia hivi sasa hapa nchini kwetu, hilo nalo halitatushangaza sana.

Lakini kama pia kilichomsibu si sumu, ni logic (mantiki) umma ukatangaziwa ili fikra hizo kwamba Dk. Mwakyembe aliwekewa sumu ziondoke vichwani mwa Watanzania.

Hivi kuna tatizo gani Waziri wa Afya akaitisha mkutano na waandishi wa habari na akawaeleza, japo kwa ufupi, kilichomo kwenye ripoti hiyo ya madaktari wa India?

Hata kama ripoti inasema kuwa tatizo ni sumu aliyopewa, kuna hatari gani watu kufahamishwa hivyo; hasa kama jeshi la polisi nalo litasema kwamba linaanzisha uchunguzi kujua namna sumu hiyo ilivyompata Mwakyembe?

Nauliza maswali haya yote kwa sababu suala la Mwakyembe si la kawaida, na linaweza kuwa ni tukio la aina yake katika historia ya miaka 50 ya uhuru wetu.

Nasema hivyo kwa sababu, hata kabla hajakumbwa na masahibu haya ya sasa ya mwili kubabuka na kuota magamba; huku nywele na kope zikipukutika, Dk. Mwakyembe alishautangazia umma kwamba maisha yake yamo hatarini.

Huyu ni mbunge na naibu waziri ambaye ataingia katika vitabu vya kumbukumbu kwamba ni mbunge wa kwanza nchini kuandika rasmi barua kwa Mkuu wa Jeshi la Polisi nchini (IGP) akilalamika kwamba kuna wauaji wa nje wamekodishwa kuja kumuua, na kisha akatoa maelezo zaidi jinsi walivyomfuatilia kwa gari alipokuwa safarini.

Sikumbuki kama katika historia ya Tanzania ya miaka 50 iliyopita kuna mbunge au waziri aliyemwandikia barua rasmi IGP akimtaarifu kuwa kuna wauaji wa kigeni wanamfuatilia kwa lengo la kumuua. Kama yupo, nikumbusheni.

Lakini japo IGP wetu alikiri kuipokea barua hiyo ya Mwakyembe, hakuna maelezo yaliyotolewa mpaka sasa kama kuna mtu yeyote aliyekamatwa kuhusiana na madai hayo ya Mwakyembe au hata kuuelezea tu umma upelelezi wa suala hilo ulipofikia.

Sasa wakati umma ukisubiri kuelezwa na IGP maendeleo ya uchunguzi wa malalamiko hayo yaliyowasilishwa na Mwakyembe juu ya watu wanaotaka kumuua, ghafla anakumbwa na ugonjwa huo wa ajabu na kukimbizwa India – ugonjwa ambao yeye mwenyewe anaamini chanzo chake ni sumu!

Sasa, katika hali hii, na katika mazingira haya ambapo bado hali ya afya ya Naibu Waziri huyo haijatengemaa; licha ya kupelekwa India kwa matibabu, Serikali haioni lojiki kuiweka sasa hadharani ripoti hiyo ya madaktari wa India waliomtibu ili ukweli ufahamike?

Nionavyo mimi, ni busara Serikali ikatoa tamko sasa kuhusu kilichomsibu Mwakyembe na kuweka hadharani chanzo cha ugonjwa unaomsumbua wakati Mwakyembe mwenyewe angali hai ili awe na fursa ya kukubaliana na hicho kitakachoelezwa na Serikali au kukikataa.

Mungu aepushie mbali, lakini kama Mwakyembe atafariki na kutangulia mbele ya haki, chochote ambacho Serikali itakitamka baada ya yeye kufa kuhusu kilichomuua, hakitaaminika kwa jamii.

Kwa maneno mengine; ni vyema Serikali itamke sasa kuhusu chanzo cha ugonjwa wa Mwakyembe; vinginevyo akifariki, itabidi ifunge mdomo milele!

Nimalizie makala yangu kwa kumwambia tena Dk. Mwakyembe: Hang in there brother, pambana kuokoa maisha yako. Mungu atakusaidia utapona. Watanzania wanakupenda kwa jinsi ulivyojitolea mhanga kuwatetea kwa kupambana na ufisadi.

Kwa upande wa Serikali yetu, nisisitize tena kwamba ina wajibu wa kuueleza umma wa Tanzania juu ya kilichomsibu Dk. Harrison Mwakyembe.

*MAKAMU WA RAIS DTK BILAL ATUMA SALAMU ZA RAMBIRAMBI VIFO VYA ASKARI 2

2012-01-27T11:55:00.000-08:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, jioni hii ametuma saram za rambirambi kwa Mkuu wa Mkoa, Kamanda Mkuu wa Polisi ndugu na Jamaa wa askari wawili waliofariki katika ajali ya gari iliyotokea maeneo ya Mombo wakati msafara wa Makamu ukitokea Lushoto kuelekea Tanga baada ya kumaliza ziara yake katika Wilaya hiyo ya Lushoto leo jioni.

Gari hilo la askari lililokuwa mwisho wa msafara liliacha njia katika kona ya mwisho ya kutokea Lushoto kuingia Mombo na kusababisha vifo vya askari wawili pamoja na majeruhi. "Ndugu zangu naungana nanyi kutoa salamu hizi za pole za mheshimiwa Makamu wa Rais kufuatia ajali iliyotokea leo".

*IBIZA WHITE EXPERIENCE - WHITE PARTY

2012-01-27T11:33:00.000-08:00

*MATOKEO YA UBUNGE YATANGAZWA DRC

2012-01-27T02:41:00.000-08:00

Joseph Kabila ashinda urais na viti vingi bungeni

Matokeo ya uchaguzi ya ubunge katika Jamhuri ya kidemokrasia ya Congo yametangazwa karibu katika maeneo mengi ya nchi.

Chama tawala cha PPRD kimenyakuwa idadi kubwa ya viti 58 na muungano wa vyama vinavyoiunga serikali umenyakuwa idadi maradufu ya viti vilivyonyakuliwa na muungano wa upinzani unaomuunga mkono Etienne Tshisekedi.

Imeichukua tume huru ya uchaguzi katika Jamhuri ya kidemokrasia ya Congo takriban miezi miwili kukusanya matokeo ya kura hizo za ubunge ulofanyika wakati mmoja na uchaguzi wa urais tarehe ishirini na nan novemba mwaka jana

Mapema leo asubuhi maafisa wakuu wa tume hiyo wametangaza matokeo hayo ya viti 432 vya ubunge.

Mmoja kati ya kumi waliochaguliwa ni mwanamke, matokeo ya viti sitini na nane hayakutangazwa hasa katika mji mkuu kinshasa. Tume hiyo ya uchaguzi imesema majina ya washindi yatachapishwa jumatatu ijayo.

Etienne Tshisekedi.

Tume hiyo pia imewashauri wanaodhani waliibiwa kura zao kuwasilisha kesi mahakamani. Na bila shaka wengi wanatarajiwa kufanya hivyo kutokana na dosari nyingi zilizokumba uchaguzi huo na pia shughuli ya kuzihesabu kura.

Kwa mujibu wa takwimu zilizotolewa na tume hiyo ,Chama tawala chake Rais Joseph Kabila cha PPRD kimepata viti hamsini na nane, chama cha upinzani cha Etienne Tshisekedi kimepata 34 ilhali washirika wa Rais Kabila wamepata ushindi maradufu ya viti hivyo vya upinzani.

Hata hivyo bado kuna hali ya kutoeleweka , wengi wakiwa wagombea wakibinafsi na vyama vingine vikiwa na viti kimoja au viwili tu. Karibu vyama mia moja vitawakilishwa katika bunge la nchi hiyo. Hii ina maanisha kwamba kutakuwa na haja ya kuungana kwa vyama kuweza kupitisha miswada ya sheria.

Rais wa tume ya uchaguzi , Daniel Ngoy Mulunda, amesema pia atawasilisha kesi katika mahakama kuu ya nchi hiyo kubatilisha matokeo ya majimbo saba ambayo yaliyokumbwa na vurugu za uchaguzi, na kuwafungulia mashtaka wagombeaji 14 akiwemo gavana wa mkoa mmoja kwa sababu ya kujihusisha na machafuko hayo.

*MTOTO ALIYEZALIWA MAHABUSU AENDELEA KUSOTA MAHABUSU NA WAZAZI WAKE

2012-01-27T02:32:00.000-08:00

Mtoto Azra, akiwa amepakatwa na Baba yake mzazi akiwa na Mama yake mzazi wakati walipokuwa nje ya Mahabusu ya Mahakama Kuu jijini Mbeya wakati walipofikishwa kwa ajili ya kusikiliza kesi yao inayowakabili kwa kukutwa na madawa ya kulevya.

Mtoto Azra, akiwa amepumzika kwa usingizi akiwa amepakatwa na mzazi wake Mahakamani hapo.

*MAKAMU WA RAIS DKT. BILAL ATEMBELEA MASHAMBA YA MPUNGA YA KOROGWE, AWEKA JIWE LA MSINGI JENGO LA UKUMBI NA OFISI YA HALMASHAURI YA KOROGWE

2012-01-27T02:22:00.000-08:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akisikiliza maelezo kutoka kwa mmoja wa wakulima wa Mpunga kuhusu kilimo hicho cha umwagiliaji wakati alipotembelea na kukagua mashamba ya Skim Mamlaka ya mji wa Mombo jana.

Wakulima wa mashamba hayo wakiimba na kushangilia ujio wa Makamu wa Rais shambani hapo.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal na Viongozi wa Wilaya ya Korogwe, wakikagua jengo la Ukumbi na Ofisi ya Halmashauri ya Korogwe baada ya kuweka jiwe la Msingi katika jengo hilo alipokuwa kwenye ziara yake ya kukagua miradi ya maendeleo ya wilaya hiyo jana.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akimkabidhi Kombe, Kiongozi wa timu ya Mombo Shooting, Mohamed Dassa, kwa ajili ya timu hiyo iliyopanda daraja kutoka Ligi ya Ngazi ya Wilaya na kuingia Ligi Ngazi ya Mkoa. Kombe hilo pamoja na vifaa vya michezo vimetolewa na Mbunge wa Jimbo la Korogwe Vijijini Steven Ngonyani ‘Maji Marefu’.

*MAKAMU WA RAIS DKT BILAL ATUA LUSHOTO JIONI HII

2012-01-26T10:52:00.000-08:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, jioni hii amemaliza ziara yake katika Wilaya ya Korogwe na kutua Wilaya ya Lushoto tayari kwa kuanza ziara yake katika wilaya hiyo hapo kesho.

Hawa ni baadhi ya vijana wa lushoto wakiwa pembezoni mwa barabara inayopandisha kwenda lushoto mjini, wakiwa na 'mzigo' maembe wanayosubiri kuyapakia katika magunia na kuuza kwa wafanyabiashara wanaosafirisha kupeleka jijini Dar es Salaam.

Mzigo wa Kabichi ukisubiri kuanza safari ya kuelekea jijini Dar es Salaam, hapa ni katika Kituo cha mabasi cha Soni, Lushoto.

Wanafunzi wa shule za msingi wakirejea makwao wakati wakitokea shuleni huku wakiwa na vifaa mbalimbali wanavyotumia kufanyia usafi shuleni.

Hawa nao wakiwa na ndoo, ambapo haikuweza kufahamika mara moja sababu kubwa ya kila mwanafunzi kuwa na ndoo ndogo ya maji wakati akienda shuleni ama kurejea nyumbani, lakini inaonekana ni sababu ya tatizo la maji ambapo waalimu huwaagiza wanafunzi kufika shuleni na maji na pindi wanaporejea makwao pia hupitia maji ya kurudi nayo kwa ajili ya matumizi ya nyumbani.

*PRESIDENT JAKAYA KIKWETE IN THE WORLD ECONOMIC FORUM IN DAVOS TODAY

2012-01-26T09:41:00.000-08:00

President Jakaya Kikwete with other leaders shortly before taking part in discussions on "Africa-from Transition to Transformation" held at the Davos Congress centre in the on-going World Economic Forum at the Swiss mountainous resort of Davos. Others from left are Prime Minister of kenya Mr Raila Odinga, Nigeria's Finance Minister Ms Ngozi Okonjo-Iweala, Prime Minister of Ethiopia Mr Meles Zenawi, President of South Africa Mr Jacob Zuma, President of Guinea Mr alpha Conde, Mrs Sarah Brown and Former British Prime Minister who was the moderator of the discussion Mr Gordon Brown.

*MAKANDARASI WA UJENZI WA BARABARA SEHEMU YA KOROGWE HADI SAME WASAINI MKATABA WA KUANZA KAZI

2012-01-26T09:11:00.000-08:00

* Sehemu hiyo ina urefu wa kilometa 172

· *Waziri Magufuli na Mbunge wa Same Mashariki Mheshimiwa Anne Kilango Malecela *washuhudia uwekaji saini wa mkataba huo

· *Mradi umegawanywa katika sehemu mbili na zote zitakamilika ndani ya miezi 30

Ujenzi wa sehemu ya barabara kati ya Korogwe kupitia Mkumbara hadi Same yenye urefu wa kilometa 172 hatimaye ujenzi wake utaanza baada ya kukamilika kwa mchakato wa kuwatafuta makandarasi na tayari wametiasaini mikataba yao kwa ajili ya kuanza utekelezaji.

Waziri wa Ujenzi Mheshimiwa John Pombe Magufuli pamoja na Mbunge wa Same Mashariki Mheshimiwa Anne Kilango Malecela walikuwepo kushuhudia utiaji saini mikataba hiyo.

Awali wakati akiwasilisha taarifa kuhusu mradi huo, Mtendaji Mkuu wa Tanroads Mhandisi Patrick Mfugale alielezea kuwa ili kazi hizo ziweze kukamilika mapema ilibidi mradi huo ugawanywe katika sehemu mbili. Sehemu ya kwanza itaanzia Korogwe hadi Mkumbara ikiwa na urefu wa kilometa 72 wakati sehemu ya pili ni kati ya Same na Mkumbara ikiwa na urefu wa kilometa 96.

Katika sehemu ya kwanza inayoanzia Korogwe hadi Mkumbara (km 72) mkandarasi atakayetekeleza kazi hiyo ni M/S Strabag International GmbH ya Ujerumani kwa gharama ya Shilingi 62,866,110,284 na anatakiwa kuwa amekamilisha kazi hiyo katika kipindi cha miezi 30.

Mkandarasi aliyepatikana kwa ajili ya sehemu ya Same hadi Mkumbara (km 96) ni M/S DOTT Services Ltd. kutoka Uganda kwa gharama ya Shilingi 65,129,670,563.82 ambaye kwa mujibu wa mkataba anatakiwa kuwa amekamilisha kazi hiyo katika kipindi cha miezi 30.

Matengenezo hayo kwa sehemu zote mbili yatahusisha uimarishaji wa msingi wa barabara pamoja na kuweka tabaka la lami ya zege kwa sehemu hiyo yote ambayo pia itaongezwa upana kufikia meta 6.5 na mabega ya barabara yakiwa na upana wa meta 1.5 kwa kila upande.

Mhandisi Mfugale ameeleza kuwa kazi nyingine zitakazofanyika ni pamoja na ukarabati wa daraja la Mombo, upanuzi wa daraja la treni eneo la Mkomazi pamoja na upanuzi wa maeneo mengine ya barabara yenye kona kali.

Maelezo hayo ya Mtendaji Mkuu wa Tanroads yalifuatiwa na salamu za shukrani kutoka kwa Mbunge wa Same Mashariki Mheshimiwa Anne Kilango Malecela ambaye alibainisha wazi kufurahishwa kwake kwa hatua hiyo iliyofikiwa kwani ujenzi wa sehemu hiyo umekuwa ukizungumzwa kwa miaka mingi bila ya kuona hatua thabiti zilizochukuliwa na kwamba sasa ndoto hiyo hatimaye imetimia.

Mheshimiwa Kilango amewataka wasimamizi wa mradi huo kuhakikisha kuwa wanawasimamia vyema makandarasi hao ili watimize yale yote wanayotakiwa kukamilisha kwa mujibu wa mikataba yao.

Waziri wa Ujenzi Mheshimiwa Magufuli kwa upande wake alianza kwa kumshukuru Rais wa Jamhuri ya Muungano wa Tanzania Mheshimiwa Jakaya Mrisho Kikwete kwa kufanikisha mradi huu hadi kuweza kufikia hatua ya kusainiwa tayari kwa kuanza kazi rasmi. “Sasa jukumu lililobaki ni utekelezaji wa kazi hii jambo ambayo ndilo wajibu wetu kulisimamia” alisisitiza Magufuli.

Mheshimiwa Magufuli alitahadharisha kuwa hatavumilia kuona mradi ambao yeye pamoja na Makamu Mwenyekiti wa Kamati ya Bunge ya Miundombinu Mheshimiwa Anne Malecela wameitwa kushuhudia uwekaji saini na baadae mradi huo uishie kuwa na matatizo.

Aliongeza kuwa itakuwa ni aibu vile vile kwa kampuni kubwa kama Straberg International GmbH kushindwa kukamilisha kazi hizo kwa wakati kwani mradi wanaoutekeleza wao ni wa kilometa 76 tu ikilinganishwa na uwezo walio nao.

Akizungumzia kuhusu usimamizi wa miradi inayoendelea hapa nchini, Mheshimiwa Magufuli amezipongeza Bodi za Usajili wa Makandarasi na Usajili wa Wahandisi kwa kuendelea kuwachukulia hatua wale wote wanaokwenda nje ya taratibu na wajibu wao na kuzitaka Bodi hizo kuendelea kusimamia sheria zao bila kusita.

“Nitafurahi kuona mmoja wa hawa makandarasi ama anafutiwa usajili au anafungwa endapo atashindwa kutimiza wajibu wake wa ki-mkataba” alitahadharisha zaidi Waziri Magufuli.

Akimalizia Mheshimiwa Magufuli aliwataka wasimamizi na watendaji wa Tanroads kuwa makini katika kazi zao kwani alibainisha kuwa ujenzi wa mradi huu umewezakana kwa fedha za mkopo kutoka Benki ya Dunia na zitalipwa na wananchi wote hivyo ni lazima watendaji hao wahakikishe kuwa miradi hiyo inasimamiwa ipasavyo.

Aidha aliwataka Makandarasi hao kuhakikisha wanatekeleza majukumu yao mengine na hasa pale wanapoajiri kwamba wawalipe vibarua na wafanyakazi watakaoajiriwa stahili zao kama ilivyobainishwa katika mikataba waliosaini na kwa kuzingatia sheria za nchi.

*WARUNDI KUICHEZESHA SIMBA KIGALI

2012-01-26T08:39:00.000-08:00

Shirikisho la Mpira wa Miguu Afrika (CAF) limeteua waamuzi kutoka Burundi kuchezesha mechi ya Kombe la Shirikisho kati ya Simba ya Tanzania na Kiyovu Sport ya Rwanda itakayochezwa jijini Kigali.

Waamuzi hao ni Thierry Nkurinziza atakayekuwa katikati wakati wasaidizi wake ni Jean-Claude Birumushahu na Jean-Marie Hakizimana. Mwamuzi wa akiba atakuwa Hudu Munyemana kutoka Rwanda. Kamishna wa mechi hiyo ni Abbas Sendyowa kutoka Uganda.

Mechi hiyo namba 13 itachezwa Februari 18 mwaka huu kwenye Uwanja wa Amahoro jijini Kigali, na itaanza saa 9.30 kwa saa za Rwanda. Mechi ya marudiano itachezwa Machi 4 mwaka huu, Uwanja wa Taifa jijini Dar es Salaam.

CAF YAMTEUA LIUNDA KUSIMAMIA MECHI

Shirikisho la Mpira wa Miguu Afrika (CAF) limemteua Leslie Liunda wa Tanzania kuwa Kamishna wa mechi namba 3 ya Ligi ya Mabingwa kati ya AS Vita Club ya Jamhuri ya Kidemokrasi ya Congo (DRC) na Atletico Olympique ya Burundi itakayochezwa kati ya Februari 17, 18 na 19 mwaka huu jijini Kinshasa.

Waamuzi wa mechi hiyo ambao wanatoka Gabon watakuwa Mbourou Roponat, Wilfred Nziengu na David Obamba. Mwamuzi wa akiba kutoka DRC ni Mupemba Nkongolo.

Mechi ya marudiano kwa timu hizo itachezwa kati ya Machi 2, 3 na 4 jijini Bujumbura ambapo Kamishna atakuwa Eugene Katamban kutoka Uganda.

TAMASHA LA KUVUMBUA VIPAJI (GRASSROOT) DAR

Tamasha la mafunzo ya kuhamasisha watoto kucheza mpira wa miguu na kuvumbua vipaji (Grassroot) kwa shule maalum zilizochaguliwa katika Mkoa wa Dar es Salaam linaendelea Februari 3 mwaka huu.

Siku hiyo tamasha hilo litafanyika katika Shule ya Msingi Mtoni Kijichi wilayani Temeke kuanzia saa 3 asubuhi hadi saa 6 mchana. Februari 10 mwaka huu tamasha lingine litafanyika katika Shule ya Msingi Kinyerezi wilayani Ilala.

Watoto (wa kike na kiume) wanaotakiwa kushiriki katika matamasha hayo ambayo yataendelea kila wiki katika shule mbalimbali za Dar es Salaam hadi Agosti 24 mwaka huu ni wa kuanzia umri wa miaka 6 hadi 12.

Matamasha hayo ni mwendelezo wa uzinduzi wa Grassroot katika tamasha (festival) kubwa lililofanyika Desemba 17 mwaka jana Uwanja wa Taifa, Dar es Salaam na kuhudhuriwa na watoto 1,200 baada ya semina iliyoendeshwa na Mkufunzi kutoka Shirikisho la Kimataifa la Mpira wa Miguu (FIFA).

*BREAKING NEEEEEWZ! MBUNGE MSTAAF, GALINOMA AFARIKI DUNIA

2012-01-26T03:29:00.000-08:00

Marehemu Stephen Galinoma
Habari za uhakika zilizotua katika mtandao huu kutoka Kalenga katika wilaya ya Iringa vijijini zinadai kuwa mbunge wa zamani wa jimbo la Kalenga Mhe.Stephen Galinoma pichani amefariki dunia asubuhi hii wakati akikimbizwa katika hospitali teule ya wilaya ya Iringa hospitali ya Ipamba .
Habari ambazo mtandao huu umezipata na kuthibitishiwa na mtoto wa Galinoma Magreth zinadai kuwa Galinoma amefariki majira ya asubuhi ya leo wakati akikimbizwa hospital hiyo ya Ipamba .
Alisema kuwa marehemu kabla ya kifo chake alikuwa akisumbuliwa na matatizo ya moyo na taarifa zaidi utaendelea kuzipata katika mtandao huu .
Marehemu Galinoma alikuwa mbunge wa jimbo la Kalenga kupitia CCM kuanzia mwaka 2005 hadi 2010 alipostaafu na nafasi yake kuchukuliwa na mbunge wa sasa Dr Wiliam Mgimwa .

*MAKAMU WA RAIS DKT BILAL ZIARANI WILAYA YA MUHEZA – TANGA JANA

2012-01-25T20:16:00.000-08:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwasili eneo la CCM Wilayani Muheza na kupokelewa na Vijana shupavu wa CCM.

Makamu wa Rais wa Jamhuri ya Muungano wa Tanzania, Dkt. Mohammed Ghari Bilal, akisalimiana na baadhi ya viongozi wa CCM Wilaya ya Muheza, alipowasili eneo hilo kwa ajili ya kupokea taarifa ya utendaji kabla ya kuanza kukagua baadhi ya miradi ya maendeleo akiwa katika ziara yake Wilayani Muheza Mkoa wa Tanga

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiwahutubia wananchi wa Muheza waliokuwa wamekusanyika nje ya ofisi ya CCM wakimtaka kuzungumza nao baada ya kupokea taarifa ya utendaji kutoka kwa viongozi wa CCM wa Wilaya hiyo, wakati akiwa katika ziara yake ya Wilaya ya Muheza Mkoa wa Tanga.

*SHERIA YA HALI YA HATARI YAONDOLEWA MISRI

2012-01-24T20:51:00.000-08:00

Hussein Tantawi aondoa sheria ya hali ya hatari.

Kiongozi wa jeshi nchini Misri amesema kuwa sheria ya hali ya hatari ya miongo kadhaa iliyopita nchini humo, imeondolewa leo 25 Januari wakati wa kuadhimisha harakati za maandamano zilizomng'oa madarakani aliyekuwa rais wa nchi hiyo, Hosni Mubarak.

Field Marshal ,Hussen Tantawi, bila kutoa maelezo zaidi, amesema kuwa sheria hiyo itaendelea kutumika kupambana na ujambazi.

Aidha Baraza hilo la kijeshi limetumia neno "ujambazi" kuthibitisha tendo la kuwachukulia hatua kali wanaotaka kurejeshwa kwa sheria za raia.

Misri imekuwa chini ya sheria hiyo ya hali ya hatari tangu mwaka wa 1967, ambapo sheria hii iliwapa polisi uwezo na madaraka kupita kiasi na kupuuza kwa muda haki muhimu kama vile kupiga marufuku maandamano, kuchunguza na kudhibiti vyombo vya habari, kuchunguza mazungumzo ya kibinafsi na kuwazushia kesi na kuwashikilia watu kwa muda bila mashtaka.

Mubarak alivunja ahadi za mara kwa mara za kuiondoa sheria hiyo ya hali hatari ambayo imekuwa humo tango mauaji ya rais Anwar Sadat kufanyika mwaka wa 1981

Tangazo hilo la Tantawi limetokea siku moja tu baada ya bunge kufanya kikao chao cha kwanza tangu Mubarak kujiuzulu na Baraza kuu la kijeshi kuchukua mamlaka.

"Leo , baada ya raia wa misri kutoa msimamo wao na kuwachaguwa wabunge wao katika baraza la wawakilishi ili kuanza shughuli zao za utunzi wa sheria ,nimechukua hatua ya kuondoa sheria ya hali ya hatari nchini kote. Lakini tutaitumia tuu katika kupambana na majambazi. Hatua hii inaanza kutekelezwa kuanzia hii leo tarehe 25 Januari"

Mwaka uliopita, wakuu hao walijumuisha migomo ya kikazi, usumbufu wa magari na kueneza habari za uongo au uzushi katika sheria hiyo ya hali ya hatari.

Waandishi habari wamesema kuwa kuondolewa kwa sheria hiyo kwa kiasi huenda kukawaridhisha waandamanaji wanaounga mkono demokrasia na makundi ya kutetea haki za kibinadamu.

Mwandishi wa BBC, Jon Leyne akiwa Cairo amesema kuwa neno jambazi linaweza kuwa na maana pana zaidi hivyo haona kama tangazo hilo huenda lisifurahiwe na wapinzani .

Huku kukiwa na bunge jipya baada ya kupiga kura,jeshi nchini humo linaweza kumakinika kwa sasa ukilinganisha na hali ilivyokuwa miezi michache iliyopita, lakini huenda wakatatizwa wanapoadhimisha harakati zilizobadilisha uongozi na siasa za Misri.

*MAKAMU WA RAIS DKT BILAL AANZA ZIARA YA MKOA WA TANGA LEO, AKAGUA UKUTA WA KUZUIA MAJI YA BAHARI , AZINDUA OFISI YA IDARA YA MAJI, PANGANI

2012-01-24T20:33:00.000-08:00

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiangalia ukuta unaozuia maji ya Bahari eneo la Pangani Kivukoni, unaozidi kubomoka kutokana na kujengwa miaka 100 iliyopita na kutishia amani kwa wakazi wa maeneo hayo. Makamu wa Rais ameanza ziara yake ya Mkoa wa Tanga jana.

Makamu wa Rais wa Jamhuri ya Muungano wa Tanzania, Dkt. Mohammed Gharib Bilal, akiongozana na baadhi ya Viongozi wa Wilaya ya Pangani wakati akitoka kukagua ukuta wa kuzuia maji ya Bahari unaobomoka Pangani Kivukoni.

Makamu Wa Rais wa Jamhuri ya Muungano wa Tanzania, Dkt. Mohammed Gharib Bilal, akikata utepe kuzindua rasmi Jengo la Ofisi ya Idara ya Maji, lililopo Wilaya ya Pangani, wakati alipoanza ziara yake ya Mkoa wa Tanga. Kulia ni Mkuu wa Mkoa wa Tanga, Chiku Galawa (kushoto) ni Mkurugenzi wa Maji wa wilaya hiyo, Mohamed Hamis.

*NGELEJA ASAINI MIKATABA MITATU YA UTAFITI WA MAFUTA NCHINI

2012-01-24T20:28:00.000-08:00

Waziri wa Nishati na Madini William Ngeleja (kushoto) akifafanua jambo wakati wa mkutano na waandishi wa habari baada ya hafla fupi ya kuweka saini mikataba mitatu ya uatafiti wa mafuta kutoka kampuni za nje iliyofanyika jijini Dar es Salaam jana. (Kulia) ni Kamishna Msaidizi wa Nishati (Petroleum na Gas ) Prosper Victus. Picha na Mwanakombo Jumaa- MAELEZO

*VODACOM YATOA SEMINA KWA CHAMA CHA TAASISI YA KIFEDHA NCHINI (TAMFI) KUHUSU HUDUMA YA M-PESA

2012-01-23T11:53:00.000-08:00

Washiriki wa semina ya Taasisi za kifedha (TAMFI) wakimsikiliza Mkuu wa kitengo cha Mauzo cha Vodacom m-pesa, Franklin Bagalla, wakati wa mafunzo maalum kuhusu huduma ya M-Pesa iliyotplewa kwa washiriki kutoka Taasisi ya Kifedha kwa ajili ya taasisi hizo kunufaika na huduma ya Vodacom m-pesa,iliyofanyika jijini Dar es Salaam.

Mkuu wa kitengo cha Mauzo cha Vodacom m-pesa Franklin Bagalla (kulia) akisikiliza swali kutoka kwa Makamu Mwenyekiti wa Tanzania Association of Microfinance Association (TAMFI) Joel Mwakitalu, wakati wa mafunzo maalum kwa ajili ya Chama cha Taasisi za kifedha kuweza kunufaika na huduma ya m-pesa,semina hiyo iliandaliwa na Vodacom Tanzania jijini Dar es Salaam.

*MBUNIFU WA MAVAZI KUSHIRIKI MKUTANO WA KUJADILI MASUALA YA UCHUMI DUNIANI

2012-01-23T11:15:00.000-08:00

Mwandishi wetu

NYOTA imeanza kung’ara kwa mbunifu wa mavazi anayekuja juu jwa kasi nchini, Doreen Estazia na lebo yake ya Estado Bird baada ya kupata kualikwa kuhudhuria mkutano wa kujadili masuala ya Uchumi duniani (World Economic Forum) utakaonza kesho mjini Devos –Klosters, Uswisi.

Estazia ambaye mwishoni mwa mwaka jana aliibuka na mavazi yaliyojulikana kwa jina la What’s Your Freedom (WYF?) kwa ajili ya kuadhimisha miaka 50 ya Uhuru wa Tanzania alisema kuwa amealikiwa kama mjasiliamali katika masuala ya ubunifu wa mavazi na atakuwa chini ya Global Shapers.

Alisema kuwa hii ni faraja kubwa kwake kwani kipaji chake ndicho kimempa nafasi hiyo na kuwa mbunifu wa kwanza nchini tokea taifa hili lizaliwe kushiriki katika mkutano huo mkubwa.

Alifafanua kuwa setka ya ubunifu wa mavazi inanulikana kimataifa kwani mbali ya kupromoti nchi nje ya mipaka na hasa masuala ya vivutio vya utalii kwa upande wa mavazi.

“Nashukuru kupata nafasi hii na nitaiwakilisha vyema Tanzania, hii ni fursa pekee ya kujitangaza kimataifa na hasa ukizingatia kuwa nimeanza kujihusisha na masuala ya ubunifu mwaka mmoja uliopita,” alisema Estazia kabla ya kuondoka juzi usiku.

Alisema kuwa ameanza kupata mwanga wa mafanikio na lengo lake kubwa ni kufikia hatua ya juu kabisa katika masuala ya ubunifu wa mavazi na wala si viginevyo.

“Sina malengo ya kuishia hapa hapa katika fani hii, nataka dunia inifahamu kupitia ubunifu wa mavazi, mkutano wa Uswis ni moja ya njia ya kufikia lengo kwani unawajumuisha pia wakuu wa nchi mbali mbali duniani,” alisema.