Kiongozi wa bendi ya African Stars 'Twanga Pepeta' Luiza Mbutu, akiimba na mwanamuziki mpya aliyejiunga na bendi hiyo baada ya kufanya vizuri katika kinyang'anyiro cha kimsaka mkali wa shindano la Bongo Star Search BSS lililomalizika mwaka jana. Mwanamuziki huyo alitambulishwa rasmi jana wakati wa onyesho la Bonanza la bendi hiyo linalofanyika kila jumapili kwenye Viwanja vya Leaders Club Kinondoni jijini Dar es Salaam. Hahutua ya kumsajili mwanamuziki huyo na wengineo imekuja baada ya bendi hiyo kukimbiwa na baadhi ya wanamuziki nyota kama Khalid Chokoraa, aliyekuwa akiimba na kurap na Kalala Junior, waliokwenda kuendeleza bendi yao ya Mapacha watatu baada ya kutokea kutoelewana na uongozi wa bedndi ya Twanga kufuatia kusimamishwa kwa muda katika bendi hiyo kwa kile kilichikuwa kimedaiwa kuwa ni utovu wa nidhmu. 
Hapa pia Luiza mbutu akiimba jukwaani na mwanamuziki mwingine mpya, Evance Joseph, aliyejiunga na bendi hiyo akitokea Bendi ya Bwaga Moyo inayoongozwa na Mwanamuziki maarufu, Muumin Mwinjuma, ambaye pia aliwahi kupitia katika bendi inayoongozwa na kampuni ya ASET, African Revolution 'Wana tam tam'. Aidha Muumin alifikia hatua ya kuridhia mwanamuziki huyo kujiengua katika kundi lake na kujiunga na bendi hiyo kwa moyo mmoja huku akiamini kuwa ni moja ya mchango wake kwa bendi hiyo baada ya kuondokewa na wanamuziki mahiri kutokana na kufanya mazungumzo ya awali kabla ya kumsajili mwanamuziki huyo. "Kwa kuwa mwanamuziki huyo amekuja kuomba kazi katika bendi yako basi ujue amekwisha aamua kujiengua katika kundi langu, na kama usipompokea basi ujue hatoweza kurejea tena katika kundi langu kwa vile amekwishaamua hivyo, na kwa vile mimi namuuamini ni mwanamuziki mzuri basi naomba mpokee tu na atakusaidia kuziba mashimo hayo yaliyoachwa na nyota wako walioondoka" alisema Muumin wakati akiongea kwa njia ya simu na Mkurugenzi wa ASET Asha Baraka kabla ya kufikia uamuzi wa kumsajili na kumtangaza rasmi.
Lilian Internet, akishambulia jukwaa wakati akitambulishwa rasmi kurejea kundini baada ya kuwa na likizo ya uzazi kwa kipindi kirefu.
Huyu pia ni mwanamuziki wa bendi hiyo aliyekuwa Umangani akizisaka shilingi, naye pia alikuwa akitambulishwa baada ya kurejea na kujiunga na washambuliaji wa bendi hiyo kama kawa.
Rapa na mwimbaji wa bendi hiyo Fergason, akirap kuwachezesha wanenguaji wa bendi hiyo, wakati ya onyesho hilo la Bonanza jana kwenye Viwanja vya Leaders Club Kinondoni.
Mashabiki na wapenzi wa bendi ya Twanga, akila 'Monde' huku wakifurahia burudani ya bendi hiyo wakati wa onyesho hilo.
Wanenguaji wa bendi hiyo, wakishambulia jukwaa.
Mashambulizi yanaendelea jukwaani...
Aliyekuwa mwanamuziki wa bendi hiyo, Thabiti Abdul 'Mtoto wa Ilala', ambaye kwa sasa ni mwanamuziki wa Kundi la Taarab la Jahazi, akiwapagawisha mashabiki wake kwa kucharaza gitaa la Besi wakati alipopanda jukwaani kusalimia mashabiki.
Kutoka (kulia) ni Msanii wa muziki wa Kizazi kipya, H-Baba, Kiongozi wa bendi ya Rufita Connection, Banza Stone, Rapa wa Tot Plus, Jua Kali, Shabiki wao na Mnenguaji wa Twanga, Super K, wakipozi kwa picha viwanjani hapo.
No comments:
Post a Comment