*HOTELI YA AVON YAIPIGA TAFU TASWA FC

Mwenyekiti wa Taswa FC, Majuto Omary akipokeza jezi kutoka kwa Ofisa Mtendaji Mkuu wa Hotel ya New Avon, Shaheed Dhanani, wakati wa hafla fupi iliyofanyika kwenye hotel hiyo jana. Wengine katika picha ni Rahim Kangezi, ambaye ni Mkurugenzi wa hotel hiyo.
****************************************

Hotel mpya na ya kisasa, New Avon,imetoa msaada wa jezi kwa timu ya soka ya waandishi wa habari za
michezo Tanzania, Taswa FC.

Mkurugenzi Mtendaji wa New Avon Shaheed Dhanani alikabidhi jezi hizo kwa Mwenyekiti wa Taswa Fc, Majuto Omary wakati wa hafla fupi iliyofanyika jijini Dar es Salaam jana.

Shaheed alisema kuwa sababu kubwa ya kutoa msaada huo
kwa Taswa FC, ni kutambua mchango wao na pia kujitangaza kupitia Nyanja hizo.
Aidha alisema kuwa msaada huo pamoja na vifaa vingine, vimegharimu jumla Dola za Kimarekani 2,000.

“Kuna vifaa vingi vinakuja, kama unavyofahamu, pia
tunataka kusaidia timu ya netiboli ya Taswa, lengo ni kuona waandishi wanafanya vizuri katika michezo hapa nchini”. alisema Shaheed.