*SAKATA LA MAFUTA LAZUA KIZAAZAA MBEYA NAULI 1000 KITUO HADI KITUO

Daladala zinazofanya safari zake katika mji wa Mbeya zikiwa katika kituo zikisubiri wateja ambapo daladala hizo zimepandisha nauli kutoka sh. 300 hadi sh. 1,000 kituo hadi kituo. Madereva wa daladala hizo wamesema kuwa wameamua kupandisha nauli hizo kutokana na kukosekana kwa mafuta katika vituo vyote vya mjini Mbeya, ambapo mafuta yamekuwa yakipatikana kwa bei ya juu tofauti na bei ya kawaida iliyopangwa na Serikali

 Moja ya Kituo cha kuuzia mafuta kilichositisha kutoa huduma ya kuuza mafuta kutokana na kituo hicho kuishiwa na bidhaa hiyo na kushindwa kupata bidhaa mpya.

 Wakati Madereva wa Mbeya wakiwa wamefikia hatuo hiyo ya kupandisha nauli kwa Jiji la Dar es Salaam, bado ni kizaazaa, ambapo sasa raia wamefikia kutishia kuchoma moto vituo vya kuuzia mafuta kwa kile walichodai wamiliki kugoma kuwauzia mafuta na kuwakalisha muda mrefu katika foleni wakisubiri mafuta. Hapa ni katika Kituo cha kuuzia mafuta cha Bamaga njia panda ya Sinza jijini Dar.

Hiki ni kituo cha Victoria ambapo napo pia ilibidi wafike askari wa kulinda usalama ili kurejesha hali ya amani na utulivu jana.