*KAMANDA KOVA MGENI RASMI KICHAPO CHA MATUMLA NA MANENO DESEMBA 25 KIJICHI

Na Mwandishi Wetu, Jijini Dar

MLEZI wa mchezo wa ngumi Tanzania, Kamanda wa Polisi
wa Kanda Maalum ya Dar es Salaam, Suleiman Kova, anatarajia kuwa mgeni rasmi katika pamabano la raundi 10 lisilo la ubingwa kati ya Rashid Matumla ‘Snake Man’ na Maneno Osward ‘Mtambo wa Gongo’ linalotarajia kufanyika Desemba 25 katika ukumbi wa Heinken, Mtoni Kijichi Dar es Salaam.

Akizungumza Dar es Salaam jana, Maneno Osward alisema atahakikisha anamtwanga mpunzani wake ili kufuta machungu ya kumzidi kwa pointi katika pambano lao walilocheza hivi karibuni.

"Matumla alinizidi kwa pointi sasa nataka kumuonyesha kama ninauwezo wa kumuangusha katika hatua za awali za pambano letu kwani nimejiandaa vilivyo na bado naendelea kujifua kwa ajili ya pambano hilo," alisema Maneno.

Naye, Rashid alisema, anaendelea kujifua ili kuweza
kuwapa raha mashabiki wake ikiwa ni maalum kwa ajili ya zawadi ya Chrismas kwa kumtwanga kwa mara nyingine Maneno.

"Ushindi wangu ndio utakuwa zawadi kwa mashabiki wangu kwani sina cha zaidi cha kuwapa," alisema Rashid.

Mkurugenzi wa Kampuni ya Adios Promotion, Shabani Adios 'Mwayamwaya' ambaye ndiye muandaaji wa pambano hilo, alisema kabla ya kufanyika kwa pambano hilo mabondia hao watapima vipimo mbalimbali vikiwemo ukimwi na madawa ya kuongeza nguvu ili kuweza kuwa tayari kwa ajili ya
mpambano.

Mapambano ya utangulizi yatakuwa kati ya mabondia Venas Mponji atakayezichapa na Tumaini Maguno 'SMG' na bondia Rashidi Ally atazichapa na Kulwa Mbuchi, Selemani Jumanne na Ibrahim Madeusi wakati Shabani Zunga atavaana na Mohamedi Kashinde, na bondia Sweet Kalulu na Saleh Mtalekwa.