Mr Ebbo enzi za uhai wake.
Taarifa zilizotufikia hivi punde katika Mtandao huu wa Sufianimafoto Blog, zinaripoti kuwa Msanii mahiri wa muziki wa Kizazi Kipya, aliyewahi kutamba na nyimbo kadhaa zilizoshika chati ikiwa ni pamoja na ule uliomtambulisha katika jukwaa la muziki huo, Mi ni Mmasai Bwana, pamoja na wimbo wake wa hivi karibuni uitwao, Boda Boda, Abel Motika 'Mr Ebo', amefariki Dunia.
Imeelezwa kuwa Mr. Ebo, amefariki dunia jana mida ya saa tatu usiku akiwa katika Hospitali ya Jijini Arusha.
Msanii huyo pia ambaye alikuwa ni Producer na mmiliki wa Studio ya Motika Records iliyopo jijini Tanga, atakumbukwa na wapenzi wengi wa muziki ndani na nje ya Tanzania kwani ni miongoni mwa wasanii wachache ambao waliweza kufanya vyema katika Jukwaa la muziki wa kizazi kipya na hasa katika staili yake ya uimbaji na mavazi ambavyo vilipendwa na mashabiki kibao wa muziki huo wakubwa kwa wadogo.
Baadhi ya nyimbo zake nyingine zilizowahi kutamba ni pamoja na Mbando, Kamongo na Maneno Mbofu Mbofu.
Mipango ya mazishi bado haijajulikana wazi ila habari zilizopo ni kwamba anatarajiwa kuzikwa Jijini Arusha ambako ni nyumbani kwa wazazi wake. Pumzika kwa amani Kamanda wetu mpiganaji, Mr.Ebbo Mungu ailaze roho ya marehemu mahali pema peponi. AMEN
No comments:
Post a Comment