Spika wa Bunge la Jamhuri ya Muungano wa Tanzania Anne Makinda akiSalimiana na viongozi na wachezaji wa timu ya Villa Squard ya Kinondoni jijini Dar es salaam waliofika bungeni mjini Dodoma leo kwa lengo la kuona na kujifunza shughuli mbalimbali zinazofanywa na bunge. Picha Zote na Aron Msigwa-MAELEZO
Mbunge wa Singida mjini Mohammed Dewji akimsikiliza kwa makini Waziri wa Nchi,Ofisi ya Rais Uhusiano na Uratibu Stephen Wasira ndani ya ukumbi wa bunge leo mjini Dodoma.
Mbunge wa Same Mashariki Anne Kilango akijadili jambo na Mwanasheria mkuu wa serikali Jaji Frederick Werema ndani ya ukumbi wa Bunge leo wakati wa kipindi cha maswali na majibu mjini Dodoma.
Mbunge wa Jimbo la Muhambwe (Kibondo) Felix Mkosamali, akiomba mwongozo wa spika kujadili jambo la dharula wakati wa kipindi cha kujadili Muswaada wa Sheria ya Marekebisho ya Sheria ya mabadiliko ya Katiba ya mwaka 2011 bungeni kufuatia ofisi yake kupokea madai ya wanajeshi wastaafu wa JWTZ kutolipwa mafao yao.
Wajumbe na Viongozi wa chama cha wamiliki wa shule Vyuo na shule binafsi (TAMONGSCO) wakiwa katika picha ya pamoja katika Viwanja vya Bunge mjini Dodoma leo mchana baada ya kutoka ndani ya ukumbi wa bunge.
Viongozi hao wapo bungeni Dodoma kukutana na kamati ya kudumu ya bunge ya huduma za jamii kwa lengo la kuhimiza ushirikiano kati yao na wabunge pamoja na serikali ili kubadilishana uzoefu na kujadili changamoto zinazoikabili sekta binafsi ya elimu nchini Tanzania.
Baadhi ya Waandishi wa habari kutoka vyombo mbalimbali wakitekeleza majukumu yao ya ukusanyaji wa habari za mkutano wa sita wa Bunge la Jamhuri ya Muungano wa Tanzania mjini Dodoma.
No comments:
Post a Comment