*KAMATI YA UTENDAJI YA YANGA YAILIMA BARUA TFF KUMBA MWONGOZO

Baada ya aliyekuwa Mwenyekiti wa Klabu ya Yanga Lloyd Nchunga na baadhi ya Wajumbe kujiuzulu madaraka, Kamati ya Utendaji ya Klabu hiyo, imeliandikia barua Shirikisho la mpira wa miguu nchini TFF kuomba mwongozo.

Kwa kuzingatia hilo, TFF imepeleka suala hilo kwa kamati yake ya Sheria, Maadili na Hadhi za Wachezaji ili itoe maoni yake kisheria ya nini kinafanyike kuhakikisha Yanga inaendelea na shughuli zake kama kawaida.

  Kamati ya Sheria, Maadili na Hadhi za Wachezaji chini ya Mwenyekiti wake Alex Mgongolwa inatarajia kukutana leo jioni kushughulikia suala hilo na baadaye Kamati ya Uchaguzi ya Yanga pamoja na Kamati ya Uchaguzi ya TFF zitapewa maelekezo ya kufanya kwa kuzingatia taratibu zilizopo.