*MSANII SAID MACHENJE AKAMILISHA WIMBO NA VIDEO YA MILA

Na Mwandishi Wetu

MSANII wa mashairi, Said Machenje amekamilisha wimbo wake mpya pamoja na video kwa pamoja, ujulikanao kwa jina la Mila.

Wimbo huo uliopigwa katika miondoko na radha ya kitamaduni, umetengenezwa katika studio za Pamoja Record's.

Akizungumza na mwandishi wa habari hizi, Machenje alisema kuwa ujio wa wimbo huo ni maandalizi ya albamu yake mpya inayotarajia kukamilika mwezi Septemba mwaka huu, na kuitara studio aliyorekodia Video hiyo kuwa ni, New Pag, iliyopo jijini Dar es Salaam.

“Hivi sasa nipo katika maandalizi ya albamu yangu mpya itakayokuwa na jumla ya nyimbo sita, ambapo tayari nimekwisharekodi nyimbo mbili na mpaka mwezi Septemba kwa uwezo wa mungu itakuwa imeshakamilika,”alisema

Alitaja nyimbo hizo mbili kuwa ni Cheo aliyomshirikisha Grezzdent na Mila ambayo imeshakamilika.