*MSONDO NGOMA WAACHIA RATIBA YAO YA WIKI

BENDI kongwe ya muziki wa dansi Tanzania, Msondo Ngoma ‘Baba ya Muziki’ imetoa ratiba yao ya wiki baada ya wiki iliyopita kutoa burudani jijini Dar es salaam, na kukonga vilivyo nyoyo za mashabiki wao, ambapo sasa wamejiandaa kuwapagawisha tena mashabiki wao kwa shoo mpya na  burudani  nzuri zaidi.

Siku ya Jumatano watakuwa ndani ya  Ashok Pub-Mbagala Kuu, Alhamis watakuwa Ya Wipes Pub-Mivinjeni, Ijuma watakuwa katika bonanza, katika viwanja vya Leaders Club-Kinondoni, Jumamosi Hii Watakuwa Kigamboni katika Ukumbi wa Mama 'Z & Papa'Z. na jumapili watamaliza wiki katika ukumbi wa Max Bar Ilala Bungoni.

Akiongea , Msemaji wa Msondo, Rajabu Mhamila ‘Super D’, alisema kuwa wameamua kutoa ratiba hiyo ili mashabiki wao waweze kujua nini kinachoendelea baada ya kumalizika wik iliyopita.

“Msondo ipo kamili katika kutoa burudan na imeamua kutoa ratiba, hivyo tunaamini mashabiki wetu watakuja kwenye maonesho yetu kwani bila wao sisi hatuwezi kusimama na kuimba,” alisema Super D.

Alitaja vibao vinavyotamba kwa sasa vya bendi hiyo kuwa na Suluhu wa Sabani Dede, Nadhiri ya Mapenzi wa Juma Katundu na Baba Kibene wa Eddo Sanga mbali na nyimbo hizo bendi hiyo itapiga nyimbo zake zilizotamba zamani zikiwemo Asha Mwanasefu,Cheusi Mangara,mwana Mkiwa na nyingine nyingi zilizotamba kipindi hicho