Chama cha Netiboli Mkoa wa Dar es Salaam (CHANEDA), leo kinatarajia kutambulisha viongozi wake wapya waliochaguliwa katika uchaguzi uliofanyika hivi karibuni.
Bonanza hilo litakaloambatana na mechi kadhaa za kirafiki baina ya timu za wanaume, watoto na akina dada, litaanza saa 8:00 mchana kwenye Uwanja wa Bandari, Kurasini, jijini Dar es Salaam.
Kama mnavyofahamu, chama chetu bado ni kichanga hakina uwezo wowote wa kumudu kuwawezesha ndugu zangu wanahabari kufika eneo la tukio ukizingatia kuwa ni mbali kidogo na katikati ya jiji, hivyo tunaomba watakaoweza waje kutupa sapoti.
Sapoti yenu wanahabari ndiyo itakayotuwezesha kutimiza azma yetu ya kuusimamia mchezo wa netiboli mkoa wa Dar es Salaam ipasavyo, tukiwa tumepania mchezo huo uchezwe katika kila kona na mtaa wa Dar es Salaam.
Lakini pia lengo jingine ni kuimarisha vyama vya mchezo huo katika wilaya zote tatu za Dar es Salaam, hivyo niwaombe wale wanahabari wenye nia ya kuwania uongozi wa netiboli katika wilaya hizo, Ilala, Temeke na Kinondoni, wajiandae kwa hilo.
Karibuni sana pale katika Uwanja wa Bandari leo.
Mungu awabariki.
Michael Maurus
Ofisa Uhusiano na Mawasiliano wa CHANEDA.
No comments:
Post a Comment