* IKULU YAZAWADIA WAFANYAKAZI WAKE BORA, YAPOKEA MAKOMBE YA SHIMIWI NA KUPONGEZA WANAMICHEZO WAKE

Katibu Mkuu Kiongozi, Balozi Ombeni Sefue, akinyanyua juu mojawapo ya makombe matano ambayo Ikulu Sports Club, ilinyakua kwenye michezo ya SHIMIWI ya  mwaka huu mjini Dodoma katika  hafla ya kukabidhi makombe na kuwazawadia wafanyakazi bora iliyofanyika jana Ikulu jijini Dar es salaam. Michuano hiyo ilifanyika kuanzia Septemba 22 hadi Oktoba 10 mwaka huu, ilishirikisha jumla ya wanamichezo 3500 kutoka wizara  56, mikoa 18 na idara za serikali 14 ambapo wanamichezo 91 wa Ikulu walioshiriki walifanikiwa kuibuka washindi wa kwanza katika michezo ya Baiskeli, Netbal,  Kuvuta kamba wanawake na wanaume  na kushika nafasi ya pili ya riadha kwa wanawake na wanaume.

Katibu Mkuu Kiongozi Balozi Ombeni Sefue (wa nane kutoka kulia ) pamoja na Naibu Katibu Mkuu Ikulu Mama Suzana Mlawi (kulia kwake)  na Mkurugenzi wa Huduma za Ikulu Bw Julius Mogore (kushoto kwake) wakiwa katika picha ya pamoja na wafanyakazi bora wa Ofisi ya Rais, Ikulu  katika hafla ya kukabidhi makombe na kuwazawadia wafanyakazi bora iliyofanyika jana, Ikulu jijini Dar es salaam