*MISS UNIVERSE TANZANIA 2011 ATUA DAR NA TAJI LA MISS SOUTHERN AFRIKA INTERNATIONAL KUTOKA ZAMBIA.

Na Mwandishi Wetu

MISS Universe Tanzania 2011 Nelly Kamwelu ameshinda taji la Miss Southern Afrika International 2011.  Mashindano haya yalifanyika Ndola nchini Zambia yakishirikisha nchini mbalimbali zilizoko kusini na mashariki mwa Afrika.

Nelly alipata mwaliko huu kupitia bodi ya Utalii Tanzania(TTB) ambao pia ndio waliomgharamia tiketi ya ndege kushiri katika mashindano haya.

Mashindano haya yalianza tarehe 27 mwezi Juni na fainali kufanyika juzi Jumapili tarehe 3 mwezi huu.Mkurugenzi Mtendaji wa Kampuni ya Compass Communications, Maria Sarungi Tsehai amesema kuwa ushindi huo umemsaidia Nelly kupata uzoefu kabla ya kwenda katika mashindano ya Miss Universe kimataifa mwezi wa nane na tisa mwaka huu. Maria amesema kuwa mashindano haya mbali ya kujenga mshikamano miongoni mwa nchi za kiafrika vilevile yamelenga kuvutia na kutangaza utalii wa nchi husika alipotokea kila mrembo. 

Mbali na kufanya kazi mbalimbali za kijamii kama vile kutembelea hospitali za watoto na vituo vya kulelea watoto pia walipata fursa ya kushiri maonyesho ya kimataifa ya biashara nchini Zambia.Mbali ya Tanzania nchi nyingine za Afrika zilizoshiriki ni Namibia, Zambia, Lesotho,  Afrika ya Kusini, Botswana, Zimbabwe, Swaziland, Congo, Malawi na Msumbiji. Nelly Kamwelu akiwa kama mshindi ana kazi ya kutoa elimu kwa jamii juu ya saratani ya matiti na mfuko wa wa uzazi na atakuwa ni balozi wa nia njema wa mtandao wa saratani ya matiti na mfuko wa uzazi Zambia na kuendeleza shughuli hizi Zambia.Na akiwa kama mshindi zaidi ya taji amejipatia zawadi ya nguo kutoka kwa mwanamitindo maarufu Stella designs, na pia atapokea mshahara wa kwacha million moja kila mwezi kwa miezi kumi na nne. Pia amezawadiwa ofa ya kutembelea visiwa vya Seychelles na kukaa katika hoteli ya Le Meridien kwa siku 4 na amepata ofa ya kupumzika Lower Zambezi huko Zambia kwa hisani ya Proflight Zambia.  Nelly Kamwelu amewasili jana jion

Mkurugenzi Mtendaji wa Kampuni ya Compass Communications, Maria Sarungi Tsehai (kulia) akimpokea na kumkabidhi ua Mrembo huyo baada ya kuwasili kwenye Uwanja wa Ndege wa Kimataiafa wa Julius Nyerere jana jioni. 

Nelly, Akipozi na Tuzo yake