*TWIGA STARS YAANZA VIBAYA MICHUANO YA ALL AFRICAN GAMES YALALA 2-1 NA GHANA

Kikosi cha timu ya Taifa ya Wanawake Twiga Stars.

Timu ya Taifa ya wanawake ya Tanzania (Twiga Stars) imepoteza mechi yake ya kwanza ya michezo ya All African Games (AAG) baada ya leo kufungwa mabao 2-1 na Ghana katika mchezo uliochezwa Uwanja wa Machava, jijini Maputo.

 

Kwa mujibu wa Meneja wa Twiga Stars, Furaha Francis hadi mapumziko timu hiyo ilikuwa nyuma kwa bao 1-0. 

 

Mwanahamisi Shuruwa aliisawazishia Twiga Stars dakika ya 85, lakini Ghana ikapata bao la pili  dakika ya tatu kabla ya mpira kumalizika.

 

Twiga Stars itacheza mechi yake ya pili Septemba 8 mwaka huu dhidi Afrika Kusini. 

 

Mechi ya mwisho katika hatua hiyo ya makundi itakuwa Septemba 11 mwaka huu dhidi ya Zimbabwe.

 

Unaweza kuwasiliana na Meneja wa Twiga Stars kwa nambari, +258 840207262

Boniface Wambura

Ofisa Habari

Shirikisho la Mpira wa Miguu Tanzania (TFF)