*WAREMBO WA MISS UTALII TANZANIA 2012/2013 KUANZA KAMBI RASMI TAREHE 19.12.2012

 Ukumbi ambao utatumika kwa ajili ya Mazoezi pamoja na shughuli mbalimbali za kambi ya warembo hao.

Lodge watakayofikia Warembo hao.

***********************

Jumla ya warembo Sitini (60)  kutoka nchi nzima na vyuo vikuu  watakao shiriki fainali za Miss Utalii Tanzania 2012/2013 wanatarajia kuanza kambi Rasmi Tarehe 19.12.2012 katika hoteli ya kitalii ya Ikondolelo Lodge iliyopo Kibamba nje kidogo ya jiji la Dar es salaam.

Wakiwa katika kambi hiyo ya siku 21, warembo hao watashindana kuwania taji la taifa la Miss Utalii Tanzania, na tuzo mbalimbali za kijamii kitalii kitamaduni na kiuchumi.

 

Miongoni mwa tuzo zitakazoshindaniwa ni pamoja na tuzo za Mazingira, utaluii wa ndani, wanyama pori, hifadhi za Bahari, Mitindo, urembo, maziwa makuu, SADEC, Afrika Mashariki, umoja wa Afrika, Afya ya jamii, Jinsia wanawake na watoto, Rushwa, uwekezaji, Madawa ya kulevya, mazao ya biashara, madini, uchukuzi na Miundombinu mbalimbali ya utalii.

Washiriki pia watajifunza stadi mbalimbali za maiusha, Mbinu za utangazaji utalii na bidhaa mbalimbali za Tanzania, Pia mbinu za kuhamasisha kampeni dhidi ya uharibufu wa mazingira, tamaduni kongwe na potevu, kupenda kutumia huduma za Tanzania (Made in Tanzania), uvuvi haramu, na Hamna uwindaji haramu.

Washindi wa fainali hizo za taifa watawakilisha fainali mbalimbali za kitaifa na kimataifa yakiwemo ya, Miss Tourism world, Miss Tourism Heritage World Miss Tourism University World, Miss Tourism Uniterd Nation, International Miss tourism World na Miss Global International.