*FILAMU YA LOVELY GAMBLE KUZINDULIWA APRIL 28 DAR

Stika ya Filamu hiyo inavyoonekana.

Picha ya juu na chini ni baadhi ya vipande vilivyomo katika filamu hiyo wakati vikionyeshwa kwa waandishi wa habari.

Mkurugenzi wa ASTE Club, inayomiliki bendi ya African Stars ‘Twanga Pepeta’ Asha Baraka, akizungumza na waandishi wa habari Dar es Salaam leo mchana, wakati akitangaza uzinduzi wa filam mpya ya Lovely Gamble, iliyorekodiwa nchini Uingereza na mwigizaji maarufu wa filam, Steven Kanumba kwa ushirikiano na Watanzania wanaoishi nchini Uingereza. Uzinduzi ho unatarajia kufanyika April 28 mwaka huu.

Na Sufianimafoto Reporter, jijini Dar es Salaam

KAMPUNI ya African Stars Interment (ASET) Aprili 28 inatarajia kuzindua filamu yao mpya itakayojulikana kwa jina la Lovely Gamble.

Akizungumza na waandishi wa habari, Dar es Salaam leo mchana Mkurugezi wa Kampuni hiyo Asha Baraka, alisema Filamu hiyo itakayozinduliwa katika ukumbi wa Billycans ulipo posta jijini Dar es Salaam, imerekodiwa nchini Uingereza na mwigizaji mahiri wa filamu Steven Kanumba kwa kushirikiana na Watanzania waishio nchini humo.

“ Hii itakuwa ni fursa kwa mashabiki wa Aset kujipatia burudani mbili kwa wakati mmoja yaani muziki wa Twanga Pepeta na Filamu hiyo itakayoonyeshwa siku hiyo,”alisema Asha.

Aidha alisema kuwa filam hiyo inatarajia kuanza kuuzwa April 29 kupitia kwa msambazaji Kapico,ambapo pia itazinduliwa kwa mara ya pili nchini Uingereza ili kuwapa fursa watanzania waishio Uingereza kuweza kuona yaliyojiri katika filam hiyo.