*AZAM YAILAMBISHA SIMBA ICECREAM 3-1

Kama Ubao wa matangazo unavyoonyesha timu ya Azam ikiongoza kwa magoli na Ball Possition, hapa ni kipindi cha pili na matokeo yalikuwa hivi hadi mwisho wa mchezo.

Kiungo mshambuliaji wa timu ya Azam, Ramadhan Chombo (katikati) akiruka kukwepa kwanja la, Jerry Santo wa Simba, wakati wa mchezo wa Ligi Kuu ya Tanzania Bara uliochezwa leo jioni kwenye Uwanja wa Taifa Dar es Salaam. Kushoto ni Meshack Abel, akijiandaa kutoa msaada. Azam ilishinda mabao 3-2.

Goli la tatu la Azam, lilikuwa hivi, Golikipa wa Simba Juma Kaseja (kushoto) akiruka kuucheza mpira kwa mguu baada ya kujaribu kuuwahi nje ya 18, ambapo mshambuliaji wa Azam John Boko (katikati) aliuwahi mpira huo na kuudokoa hewani na kumuacha Juma K, asijue la kufanya kwani mpira huo ulielekea hadi langoni na kuandika bao la tatu la Azam. Kulia ni beki wa Simba Juma Nyoso, akijaribu kuwahi golini bila mafanikio.

Mshambuliaji wa Azam Mrisho Ngasa (kushoto) akimtoka mshambuliaji wa Simba, Mussa Hassan 'Mgosi', wakati wa mchezo huo.

Hadi mapumziko matokeo yalikuwa kama ubao huu unavyoonyesha. Hapa timu zikiingia uwanjani kumalizia dakika 45 za kipindi cha pili.

Mshambuliaji wa Azam, Jamal Mnyate (kushoto) akimtoka beki wa Simba, Meshack Abel, wakati wa mchezo huo. Hapa anaonekana Abel akizidiwa na kujaribu kutaka kumshika bila mafanikio, lakini mbali na kutaka kumshika pia angalia mguuni akiwa amemkanyaga yaani akimchezea rafu na matokeo ya action hii, mpira ulipigwa kuelekea Azam. Marefa kuweni makini.

Hata mashabiki wa Simba pia uzalendo uliwashinda kwani baadhi yao walionekana wakiwa katika Jukwaa la Azam wakiwa na jezi za wachezaji wa Azam. Jamaa huyu ni shabiki mkubwa wa Simba na mara kadhaa amekuwa akivaa jezi nyekundu ya Simba iliyoandikwa CHOMBO, lakini leo pia ana jezi hiyo lakini ni ya azam sasa je huyu ni shabiki wa timu ama wa mtu???

Mpiga picha wa gazeti la Habari Leo, Yusuph Badi, ambaye pia ni shabiki wa damu wa timu ya Simba, leo ameonekana akiwa Jukwaa la Azam huku akiwa ametinga Jezi ya Azam, kulikoni???

Mashabiki wa Simba wakiwa na huzuni baada ya timu yao kulambishwa Icecream 3, huku wao wakijaribu kutapika moja tu.