*MBABE KATI YA TAMIM NA ASHRAF KUJULIKANA KESHO

Mabondia wa uzito wa juu (Heavyweight) Awadh Tamim (kulia) akitunishiana misuri na mpinzani wake, Ashraf Suleiman, wakati wa zoezi la kupima uzito lililofanyika leo asubuhi kwenye Ukumbi wa DDC Mlimani City Mwenge. Pambano hilo linatarajia kufanyika leo kwenye Ukumbi huo. Katikati ni mratibu wa pambano hilo, Shomari Kimbau.
Mratibu wa pambano hilo, Shomari Kimbau, (katikati) akiwatambulisha mabondia hao wakati wa zoezi la kupima uzito leo.

Tamim, akipima uzito.

Ashraf, akipima uzito.

Tamim, akitoa tambo zake mbele ya waandishi wa habari baada ya kumaliza zoezi la kupima uzito, ambapo alisema kuwa kutokana na yeye kuzoea kucheza zaidi mapambano ya kimataifa, alimtaka mpinzani wake baada ya kumaliza kupia uzito na Presha waelekee kupima mkojo na damu ili kuweza kuepuka mmoja wao kutumia madawa ya kuongeza nguvu na kujiepusha na michubuko inayoweza kutokea wakati wa mchezo huo.

Ashraf, akitoa tambo zake kwa waandishi wa habari, ambapo alisema kuwa bado anahistoria ya pambano lao lililopita siku za nyuma baada ya pambano hilo kuvunjika kutokana na vurugu, na hivyo ameahidi kumaliza pambano hilo bila utata na kuubakisha mkanda wa ubingwa wa Afrika nchini na kumuacha Tamim akiondoka na mabegi yake kurudi Sweeden baada ya pambano hilo.

Alfonce Mchumiatumbo, ni mmoja kati ya mabondia watakaocheza michezo ya utangulizi, katika pambano hilo la kukata na shoka, naye akipima uzito.

MAPAPARAZI NAO WAPIMA UZITO KUJIANDAA NA BONANZA KESHO

Sufianimafoto akipima uzito kwa ajili ya pambano lake lisilo la ubingwa na Rajab Mhamila, anayetarajia kuzindua DVD yake ya mchezo wa ngumi hapo kesho kwenye Bonanza la TASWA, inayoelezea maisha yake katika mchezo huo kabla ya kuamua kustaafu akiwa na umri mdogo kuliko bondia yeyote na kuingia katika fani ya uandishi.

Rajab Mhamila naye akipima uzito huku akisimamiwa na Meneja wake, Jimmy Tara.

Mpigapicha wa Mlimani TV, anayetarajia kupigana na Mpoki Bukuku hiyo kesho naye akipima uzito pekeyake baada ya mpinzani wake Mpoki kuingia mitini.