*KIJANA AKIONA CHA MOTO AIBA SIMU SASA IKIPIGWA INAITA TUMBONI NA KILA BAADA YA DAKIKA 10 TUMBO LINAVIMBA

Na Mwandishi wetu

KIAJANA mmoja mkazi wa kitongoji cha DDC Mji mdogo wa Mbalizi Wilaya ya Mbeya, Mkoani Mbeya , Godson Mwasyoge amekesha akiomba msaada baada ya kujikuta na wakati mgumu kutokana na kuiba Simu ya mkononi ya mfanyabiashara wa eneo wiki moja iliyopita.

Na baada ya wiki moja tangu alipoiba simu hiyo, sasa simu hiyo kila inapopigwa imekuwa ikita ndani ya tumbo la kijana huyo ambapo kila inapopigwa huchukua kama dakika 10 kisha tumbo lake huvimba ghafla na kuvimbuka. 

Mwenyekiti wa Mtaa anaoishi Kijana huyo,  Asifiwe Mwakalonge, amethibitisha kutokea kwa  tukio hilo akiwa sambamba na mjumbe wake Mohammed Said na kueleza kuwa ni tukio la ajabu na la kutisha ambalo hajawahi kuliona katika umri wote wa maisha yake. 

Nao Ndugu wa karibu na kijana huyo, Daniel Mwasyoge, Mama mzazi, Christina Mwakalonge,  wamemtaka aliyeibiwa simu kumsamehe kijana wao kwa kosa hilo alilolifanya naye kutokana na taabu anayoipata kijana wao na kuongeza kuwa wapo tayari kulipa gharama ya simu hiyo kutokana na kijana wao kukiri kutenda tukio hilo na kuomba msamaha kuwa hakuwahi kufanya hivyo ila ni tukio lake la kwanza lililomtenda kama hivyo.

 

Kijana huyo ni mmoja wa wafanyakazi wa Machinjioni maarufu kama Butchery Mbalizi, .