Mdau je unakumbuka enzi zile wakati zinaingia Televisheni? ambapo kila atakayenunu Tv uswahilini ama mtaani kwenu basi kila mtu atajua na majirahi walikuwa hawaishi kubisha hodi kuomba kuangalia mchezo ama taarifa ya habari na wengine walikuwa wakijazana madirishani kama uonavyo watu hawa pichani.
mini usiamini mambo haya bado yapo katika baadhi ya mitaa ya jiji la Dar es Salaam hadi leo hii, kama walivyokutwa na kamera ya Sufianimafoto madada hawa wakichabo katika dirisha msela aliyekuwa akicheki muvi geto kwake huko mitaa ya Mtoni kwa Aziz Ali ni hivi majuzi tu.
Enzi hizo hata wenye nyumba walikuwa wakikorofishana na wapangaji wao mara kwa mara eti wengine wakitoa visingizio vya kumaliza umeme na wengine utawasikia "mnatupigia kelele" kumbe jana yake alizuiliwa mtoto wa mwenye nyumba kuingia kudeku Muvi katika chumba hicho cha mpangaji mwenye Tv tene labla alizuia kutokana na kuwa na wageni kwa wakati huo hivyo hakuhitaji usumbufu kwa wakati huo, lakini Mwenye nyumba tayari sababu kibao na ugomvi na visa visivyoisha kwa mpangaji wako. Lakini kwa sasa watu kidogo wameelimika na siku hizi kila mtu anajitahidi kuwa na Tv ndani kwake ila katika baadhi ya kitaa bado mambo ni yale yaleeeeee!
No comments:
Post a Comment