MAKAMU wa Rais Dkt. Mohammed Gharib Bilal, anatarajiwa kuwa mgeni rasmi wa kilele cha maadhimisho ya sherehe za kuzaliwa Chama Cha mapinduzi CCM, kimkoa zinazotarajia kufanyika Februari 5, mwaka huu zitakazofanyika mlandizi wilayani Kibaha mkoani Pwani.
Hayo yamesemwa na katibu wa CCM mkoa wa Pwani, Sauda Mpambalyoto, wakati akitoa taarifa ya kazi za chama na jumuiya zake baada ya Makamu, kukagua ukarabati wa jengo la CCM wilaya ya RUfiji ambalo litakuwa na ofisi za Chama na jumuiya zake mjini Utete wilayani Rufiji.
Amesema maadhimisho hayo ni sehemu ya utaratibu wa kimkoa kwenda kila wilaya kusheherekea maadhimisho hayo ilikuhamasisha kwa kuwafuata wanachama kila wilaya na kuwajali kuwa ni sehemu ya chama chao.
Mpambalyoto, amesema katika maadhimisho hayo ataongoza matembezi ya mshikamano kwa kilo mita tano ambapo mwaka huu matembezi hayo ni kumdhamini Mwenyekiti wa CCM Taifa Dkt. JAKAYA KIKWETE na baadaye kwenda kuyapokea katika viwanja vya shule ya msingi Mtongani Mlandizi ambayo yataanzia katika ofisi ya chama wilaya.
Amesema pamoja na mambo mengine atapokea wanachama wapya zaidi ya 2000 kutoka chama na jumuiya zake kutoka mkoa mzima wa Pwani na kutoa hati kwa wilaya kwa wilaya zilizofanya vizuri katika uingizaji wa wanachama kwa chama na jumuiya zake, wilaya zilizokusanya ada vizuri kwa chama na jumuiya zake, wilaya zilizofanya vikao vya chama na jumuiya zake kwa wakati ambapo hati hizo zitatolewa kwa mshindi wa kwanza hadi wa tatu pia atatoa hati zilizokusanya fedha nyingi kwa matembezi ya mshikamano mwaka 2011.
Aidha amefafanua kuwa maadhimisho hayo yatahudhuriwa na viongozi wote na wanachama kutoka wilaya zote na wilaya ya kibaha kwa kuwa ndio wenyeji wametakiwa kujitokeza kwa wingi katika kumpokea mgeni huyo ambaye ni mlezi wa CCM mkoa na mjumbe wa kamati mkuu na halmashauri kuu ya CCM na makamu wa Rais wa jamuuhuri ya muungano wa Tanzania.
.jpeg)
No comments:
Post a Comment