*NAIBU WAZIRI KUZINDUA HUDUMA YA TIGO PESA YA TWIGA STARS

Baadhi ya wachezaji wa Twiga Stars, wakiwa uwanjani wakati waliposhinda bao 5-2 dhidi ya Namibia kwenye Uwanja wa Taifa Dar es Salaam hivi karibuni.

Tanzania Football Federation

Affiliated to FIFA, CAF and CECAFA

Karume Memorial Stadium, Uhuru/Shaurimoyo Road

P.O.  Box  1574, Dar es  Salaam, Tanzania     .    Telefax:   + 255-22-2861815

E-mail: tfftz@yahoo.com    .    Website: www.tff.or.tz

Naibu Waziri wa Habari, Vijana, Utamaduni na Michezo, Dk. Fenella Mukangala anatarajia kuwa mgeni rasmi kwenye uzinduzi wa kuchangia timu ya Taifa ya Wanawake (Twiga Stars) kupitia Tigo Pesa.

Uzinduzi huo wa akaunti maalumu ya Twiga Stars kupitia mtandao wa Tigo utafanyika kesho (Machi 10 mwaka huu) saa 5 kamili asubuhi Uwanja wa Taifa, Dar es Salaam, na unafanywa chini ya uratibu wa kampuni ya Edge Entertainment.

Twiga Stars inayofundishwa na kocha Charles Boniface Mkwasa iko kwenye raundi ya pili ya mashindano ya Kombe la Afrika kwa Wanawake (AWC) ambapo Mei 26 mwaka huu itacheza na Ethiopia jijini Addis Ababa.

Katika raundi ya kwanza, Twiga Stars ambayo baadhi ya nyota wake ni kipa Fatuma Omari na washambuliaji Mwanahamisi Omari na Asha Rashid iliitoa Namibia kwa jumla ya mabao 7-2. Ilishinda ugenini mabao 2-0 na kuibuka na ushindi mnono nyumbani wa mabao 5-2.