*JOSHUA NASSARI (CHADEMA) AIBUKA KIDEDEA UBUNGE WA ARUMERU MASHARIKI

MGOMBEA Ubenge Jimbo la Arumeru Mashariki, Joshua Nassari kupitia tiketi ya Chama cha Demokrasia na Maendeleo (CHADEMA) pichani (kushoto) ameibuka kidedea katika kinyang'anyiro cha kuwania Ubunge katika jimbo hilo kwenye uchaguzi uliomalizika jana jioni kwa kuwashinda wagombea wenzake saba kutoka vyama saba vya CCM, AFP, DP, NRA, SAU, UPDP na TLP .

Akitangaza matokeo hayo ya uchaguzi msimamizi wa uchaguzi ambaye pia ni Mkurugenzi wa Wilaya ya Arumeru, Gracias Kagenzi, alisema kuwa  Mgombea Ubunge wa Joshua Nassari CHADEMA amepata jumla ya kura 32,972, na huku mpinzani wake mkubwa, Sioi Sumari wa Chama cha Mapinduzi (CCM) akipata jumla ya kura 26,757.

 

Kwamatokeo hayo yanafanya idadi ya Kura zilizompa ushindi Nassari wa Chadema kuwa kura 6,215 dhidi ya Sioi Sumari CCM.

Aidha Kagenzi ametangaza matokeo ya wagombea wengine ambao walishiriki uchaguzi huo kupitia vyama vyao vya Siasa nchini  ambapo AFP wamepata kura– 139, DP -77, NRA – 35, SAU – 22, UPDB – 18 na TLP – 18.

Kwa mujibu wa msimamizi huyo, zaidi ya watu 120,000 walijiandikisha na aliojitokeza na kupiga kura walikuwa 60,696 ambapo kura halali zilikuwa 60,038 na zilizoharibika ni kura 661.