Waendesha Pikipiki mahiri wa Wilaya tatu za jijini Dar re Salaam, za Kinondoni, Ilala na Temeke, wanaendelea kuimarisha na kujifua zaidi katika mchezo huo bila ya wadhamini kwa kipindi kirefu sasa tangu walipotoa kilio chao kwa ajili ya kupata sapoti ili waweze kushiriki katika mashindano ya kimataifa ambayo wamekuwa wakipewa mialiko mara kadhaa na mingine kushindwa kushiriki kutokana na kukosa udhamini.
Pichani ni Chollo Gadafi, akionyesha umahiri wake wa kuinua tairi la nyuma wakati akiwa kwenye mwendo mkali, wakati walipokuwa katika mazoezi yao ya kujiweka fiti yanayofanyika kila siku ya jumapili kwenye Viwanja vya Tanganyika Packers Kawe jijini Dar es Salaam.
Wakali hao bado wamewataka wadau wa michezo kujitokeza ili kudhamini mchezo huo ikiwa ni pamoja na kuwajengea uwanja wa kudumu ili waweze kuitanga nchi kupitia mchezo huo, ambapo walimtaja mtu wa kwanza mpenda michezo Bahkhresa ajitokeze kuwadhamini ikiwa ni pamoja na kutangaza bidhaa zake.
Pichani ni mkali Ludan Volvo, akionyesha umahiri wake wa kuruka vihunzi, ambapo hivi karibuni wakali hao wanatarajia kupata mwaliko wa kucheza pamoja na wakali wa nchini Kenya ambapo walisema kuwa watashiriki iwapo mambo yatakwenda vizuri.
Volvo, akitua baada ya kuruka Tuta....
Baadhi ya viongozi wa Chama cha waendesha Pikipiki, kutoka (kushoto) ni Babu Eddy, Mwalimu wa waendesha Pikipiki hao, Hamis Kisikio na Mweka Hazina, Mohammed Starlight.
Waendesha Pikipiki wanaoshiriki katika michezo hiyo hapo Kawe, ambao siku ya jana hawakuweza kushiriki kutokana na kuumia wakiwa mazoezini wiki iliyopita, wakijiuguza wenyewe, Kikofia (kushoto) na Rashid Kiparacha, wakipozi kwa picha.
No comments:
Post a Comment