*MASHUJAA YAWATEKA MCD WA TWANGA NA FERGUSON WA EXTRA BONGO

Sudi Mohammed ‘MCD’

BENDI ya Mashujaa Musica imeendelea kuiandama bendi ya African Stars ‘Twanga Pepeta’ kwa kuendelea kuibomoa kwa kuchukua wanamuziki, ambapo safari hii imemuopoa mpiga tumba wake nmahiri Sudi Mohammed ‘MCD’.

Mbali na kuibomoa Twanga Pepeta, Mashujaa pia imeibomoa Extra Bongo baada ya kumnasa rapa wake mahiri, Saulo John 'Ferguson'.

Kwa mujibu wa Meneja wa Mashujaa Musica, King Dodoo alisema kuwa wameamua kuwachukua wanamuziki hao ili kuimarisha bendi yao katika ushindani wa muziki ambapo wasanii hao wamejiunga kwa mkataba wa miaka miwili.

Saulo John 'Ferguson'.

Aidha Dodoo, alisema kuwa pamoja na kuongeza nguvu katika bendi hiyo, wamewachukua wanamuziki hao kwa ajili ya kuendeleza vipaji vyao, ambapo Ijumaa ya wiki hii wanatarajiwa kutambulishwa rasmi katika onyesho litakalofanyika kwenye ukumbi wa Business Park, Kijitonyama jijini Dar es Salaam.

Kwa upande wa wasanii hao kila mmoja alisema ameamua kujiunga na bendi hiyo kwa ajili ya kuendeleza kipaji alichonacho sambamba na maslahi mazuri ambayo wamepewa na watakayopewa pindi watakapokuwa wakiitumikia bendi hiyo.
“Kikubwa ni maslahi ndiyo yamenipeleka Mashujaa Musica kwani siku hizi kila mtu anaangalia maslahi yake kwanza, pia nataka kubadili upepo na mazingira ya kazi katika upigaji changu cha kuichapa tumba ,”Alisema MCD ambaye ameitumikia Twanga Pepeta kwa miaka 12.

Naye Ferguson tayari ametunga vibao vitatu kwa ajili ya mashabiki huku pia akitarajia kutambulisha mtindo mpya uitwao ‘Kibega’