MTAYARISHAJI wa muziki nchini 'Producer', Man Water (Man Maji),anaendelea na program yake aliyoianzisha ya kutoa zawadi kwa wasanii waliorekodi katika studio yake ya COMBINATION SOUNDS,na nyimbo za wasanii hao kuweza kufanya vizuri katika vituo vya redio hapa nchini na nje ya nchi.
Program hiyo aliyoipa jina la kutoa shukrani kwa wasanii ambao kwa namna moja ama nyingine wanakuwa wanaitangaza studio yake vyema na kumfanya yeye kuweza kujulikana na kupata kazi nyingi zaidi, aliinza kwa msanii 20 percent,ambapo alikuwa ndio msanii wa kwanza kuweza kupewa zawadi na Man water,Kwa kumnunuliwa baadhi ya vyombo vya muziki.
Mwaka huu pia,Man Water tayari ameshatangaza nia yake hiyo ya kutoa zawadi kwa wasanii wawili waliorekodi nyimbo zao katika studio yake ya COMBINATION SOUNDS, ambao aliwataja kuwa ni ALLY KIBA na Mbatizaji, Kiba ni msanii ambaye nyimbo yake ya DUSHELELE iliweza kufanya vizuri na kukubalika sana.
''Dushelele ni nyimbo iliyoweza kufanya vizuri na kushika chati mbalimbali katika radio stations na Tv stations za hapa nchini Tanzania na hata nnje ya nchi, Ally Kiba ni msanii mzuri mwenye kipaji na anaamini kwamba ni mmoja kati ya wasanii waliopo nchini Tanzania ambao wanaweza kuufanya muziki huu kuwa bora zaidi na kuutangaza nje ya mipaka ya Tanzania kwa urahisi zaidi, nitaendelea kufanya kazi na msanii huyu ili kuweza kutengeneza nyimbo zenye ubora zaidi na kuendelea kuwaelimisha na kuwaburudisha wapenzi wa muziki huu wa kizazi kipya''. alisema Man Water
MBATIZAJI,ni msanii wa pili atakayeibuka na zawadi hiyo, baada ya nyimbo yake ya HESHIMA KAZI, kuweza kufanya vizuri katika vituo mbalimbali vya redio na television vya hapa nchini.
''Mbatizaji ni mmoja kati ya wasanii wenye tungo zenye maadili na kufundisha jamii ambaye kwa mara ya kwanza nilikutana na Mbatizaji (kipindi hicho akijulikana kwa jina la MASTA’ BROS) mkoani Morogoro mwaka 2003 na kuweza kusikia nyimbo zake kama “BARUA KWA MAMA” na “NINI MAANA YA MAISHA” na kuona uwezo mkubwa alionao katika utunzi wa nyimbo zake,ndipo mwaka 2005,wakati niliwa nafanya kazi katika moja ya studio zilizopo mkoani Morogoro,nikamrekodia wimbo uliojulikana kwa jina la “KIPI HASA?”,
Wimbo huu ulipigwa katika midundo ya kapuka (staili kutoka Uganda), Mwaka jana Mbatizaji aliingia katika studio za COMBINATION SOUNDS na kutaka kurekodi wimbo wa HESHIMA KAZI, kwa kweli nilifurahishwa sana na ujumbe uliopo ndani ya whuo na kummwagia sifa nyingi msanii huyu,ndipo wakati akiwa anamuelekeza MBATIZAJI baadhi ya sehemu,wakajikuta wakiamua kuuimba wimbo huo pamoja ili kuupa radha na ubora zaidi.
“Unajua ninaufahamu uwezo wa Mbatizaji so kwa wimbo bora kama ule hata mimi ulinipa mzuka wa kuweza kuimba na kurekodi,na naamini hatutoishia katika heshima kazi tu,tuna mpango wa kufanya kitu tofauti zaidi na hasa ukizingitia Mbatizaji naye pia ni mtayarishaji wa muziki so tunaounganisha ujuzi na kutoka na kitu cha ukweli''. alisema Man Water
No comments:
Post a Comment