Ofisa Habari wa Kitengo cha Habari cha Umoja wa Mataifa, Stella Vuzo, akizungumzia maadhimisho hayo yatakayofanyika Aprili 7 mwaka huu, ambapo amesema vyombo vya habari ni sekta muhimu ambayo inapaswa kuhudhuria pamoja na jamii nzima kutazama filamu fupi ya dakika saba inayoonyesha kilichotokea wakati wa mauaji ya kimbari yaliyofanyika nchini Rwanda. Kulia ni Ofisa kutoka Kitengo cha Habari cha Umoja wa Mataifa (UNIC) Usia Nkhoma Ledama (kushoto) ni Balozi Mdogo wa Rwanda, Sano Lambert.
Amesema katika maadhimisho hayo watakuwepo viongozi watakaoiwakilisha Serikali ya Rwanda na pia kuhudhuriwa na Msemaji wa Mahakama ya Kimataifa ya Mauaji ya Kimbaria ya Rwanda Profesa Chriss Maina, ambapo pamoja na mambo mengine pia atazungumzia maendeleo ya Mahakama hiyo ya Kimataifa ya ICTR.
Pia ametumia fursa hiyo kutoa mwaliko kwa jamii nzima ya Watanzania na wageni waliopo hapa nchini kuhudhuria mkusanyiko utakaofanyika katika Chuo Kikuu cha Dar es Salaam siku hiyo, wenye lengo la kuzungumzia sababu zilizopelekea kutokea kwa mauaji hayo ya Kimbari, madhara yake, na nini kifanyike ili kuhakikisha matukio kama hayo yahatokei tena si tu Rwanda bali
katika Mataifa yote Afrika na Duniani kwa Ujumla.
Aidha alisema kuwa siku hiyo pia kutakuwa na mashahiri, ngonjera, filamu fupi na ushuhuda kutoka kwa watu mbalimbali wakiwemo wahanga na walioshuhudia mauaji hayo.
Kauli mbiu ya maadhimisho hayo kwa mwaka huu ni "LET'S LEARN FROM OUR HISTORY TO SHAPE A BRIGHT FUTURE''.
No comments:
Post a Comment