MABONDIA, James Mokiwa na Rama Kumbele, wanatarajia kupanda jukwaani Mei 20 mwaka huu katika ukumbi wa New Vijana Kinondoni, kuonyeshana kazi katika pambano la kuwania Ubingwa T.P.B.O.
Akizungumza na Mtandao huu wa www.sufianimafoto.blogspot.com, mwandaaji wa pambano hilo, Asenga, kupitia kampuni ya Big Right, alisema kuwa katika pambano hilo wamejiandaa kikamilifu kuweza kufanya vizuri na kuleta mabadiliko na radha tofauti katika kuandaa mapambano ya ngumi.
Aidha alisema kuwa katika mapambano ya utangulizi, wameandaa pambano kali la Heavy Weight, kati ya Anord Big atakayechapana na Karim 'Paquiao' pamoja na mapambano mengine makali sita ya utangulizi.
Katika kuonyesha utofauti na kuboresha mapambano ya ngumi, Asenga aliema kuwa watakuwa na Projekta mbili katika ukumbi huo kwa ajili ya kuonyesha maandalizi ya mabondia hao, kuanzia mazoezi hadi siku ya kupima uzito.
''Pia mbali na maandalizi hayo tutaonyesha pambano la Francis Miyeyusho na Mbwana Matumla, lililofanyika katika ukumbi wa Diamond Jubilii ambapo Miyeyusho aliibuka kidedea na kututoa kimasomaso wana wa Kino alipotwaa ubingwa na mkanda''. alisema Asenga.
Aidha alisema kuwa mbali na mapambano ya utangulizi kutakuwa na burudani mbalimbali kutoka kwa wasanii wa Muziki wa kizazi kipya ambao watatambulishwa baadaye pindi mazungumzo yatakapokamilika, ambapo kiingilio kitakuwa ni Sh. 4000 kwa viti vya kawaida na 6000 kwa VIP,
No comments:
Post a Comment