 |
| Kiungo wa Yanga Hamis Kiiza (kushoto) akimhadaa beki wa Simba Chollo,
wakati wa mchezo wao wa mzunguko wa kwanza wa Ligi ya Vodacom. Timu hizo zitashuka dimbani Uwanja wa Taifa keshokutwa Jumapili kumalizia mzunguko wa Ligi hiyo. ****************************** |
Na Mwandishi Wetu, Jijini Dar
KIINGILIO cha chini
katika mechi ya wapinzani wa jadi, Simba na Yanga keshokutwa Uwanja wa Taifa,
Dar es Salaam kitakuwa Sh. 5,000 na kwa vibosile wa ukweli, yaani VIP A itakuwa
ni Sh. 30,000- huko unashuhudia mechi kwa raha zote.
Timu hizo
zinatarajiwa kukwaana kwenye Uwanja wa taifa katika moja ya mchezo wa funga dimba
la ligi hiyo itakayofikia tamati hiyo keshokutwa.
Akizungumza na
mtandao huu, ofisa habari wa Simba Ezekiel Kamwaga alisema kwamba kikosi cha
timu hiyo kitatua leo kwa ndege maalum kutoka Visiwani Zanzibar kilipokwenda
kujiandaa na mchezo huo.
Alisema wachezaji
wote wapo katika hali nzuri na wameapa kucheza kufa kupona kuhakikisha
wanashinda mchezo huo ambao kama mambo yakienda vema watatangaza ubingwa wa
msimu wa 2011/2012.
“Kikosi chetu chote
kipo fiti na vijana watakuja kwa ndege maalum na kisha wataelekea
katika hoteli moja ya kitalii kwa ajili ya kusubiria mchezo wetu na
Yanga,”alisema.
Kwa upande wa Yanga
kupitia kwa msemaji wao Louis Sendeu, kikosi cha timu hiyo kilichopo Bagamoyo
mkoani Pwani kipo katika hali nzuri wakiendfelea na maandalizi ya mchezo huo, huku
viongozi wakiwajenga zaidi kisaikolojia.
Hata hivyo Sendeu
alishindwa kuweka wazi ni lini timu yao itarejea jijini Dar es Salaam na kusema
kuwa Bagamoyo na Dar es Salaam hakuna umbali mkubwa hivyo timu itarejea siku
yoyote.
Katika hatua
nyingine, kiingilio cha chini katika mchezo huo kinatarajiwa kuwa sh.5,000 kwa
watakaokaa jukwaa la kijani bluu, wakati kiingilio cha juu kitakuwa shilingi
40,000 kitakachohusisha mashabiki watakaokaa jukwaa la VIP A.
Mashabiki
watakaokaa VIPB watalipa sh.30,000, VIP B shilingi 20,000 huku watakaokaa jukwaa
la orange watalipa shilingi 10,000.
No comments:
Post a Comment