*RAIS JAKAYA KIKWETE ATANGZA BARAZA JIPYA LA MAWAZIRI

Rais wa Jamhuri ya Muungano wa Tanzania, Dkt. Jakaya Mrisho Kikwete, muda mchache uliopita ametangaza Baraza jipya la Mawaziri na kumteua, Dkt. Fenella Mukangara, kuwa Waziri wa Habari Utamadunia na Michezo, huku aliyekuwa Waziri wa Wizara hiyo, Dkt. Emmanuel Nchimbi, akihamishiwa Wizara ya Mambo ya Ndani.

Akitangaza Baraza jipya la Mawaziri muda mchache uliopita Ikulu jijini Dar es Salaam, Rais Jakaya Kikwete, aliwataja Mawaziri wengine kuwa ni Dkt. Amosa Makala, ambaye amemteua kuwa Naibu Waziri wa Habari Utamadunia na Michezo.

 

Wengine ni Samuel Sitta anayeendelea kuwa Waziri wa Afrika Mashariki, Shamsi Vuai Nahodha anakuwa Waziri wa Ulinzi, John Magufuli anaendelea na Wizara ya Ujenzi, Dkt. Mwinyi anakuwa Waziri wa Wizara ya Afya na Ustawi wa Jamii, Shukuru Kawambwa anaendelea na Wizara yake kuwa Waziri wa Elimu na Mafunzo ya Ufundi Stadi, Sophia Simba anaendelea katika wizara yake na Chikawe anarudi Wizara ya Katiba na Sheria.

Mathayo anaendelea na Wizara yake kama ilivyo kwa Mbawala na Tibaijuka, Chiza anakuwa Waziri wa Kilimo, Chakula na Ushirika, Maghembe anakuwa Waziri wa Maji, Mwakyembe anakuwa Waziri wa Uchukuzi, Kagasheki ana kuwa Waziri wa Wizara ya Maliasili na Utalii, Kigoda Wizara ya Viwanda, Mgimwa anakuwa Waziri wa Fedha, Mark Mwandosya Waziri asiyekuwa na Wizara Maalum.

 

Endelea kuwa karibu na Mtandao huu wa www.sufianimafoto.blogspot.com ili kupata majina mengine ya Baraza jipya yaliyotangazwa