*SIMBA YATINGA FAINALI KOMBE LA KAGAME, KUMSUBIRI YANGA AU ST. GEORGE LEO

 "MTANI JITAHIDI BASI LEO HIKI CHAKULA UJE TULE WENYEWE KWA WENYEWE"

Baadhi ya wachezaji wa Simba ya Dar es Salaam, wakishangilia baada ya kufanikiwa kufika katika hatua ya fainali ya Kombe la Kagame kwenye michuano hiyo inayoendelea jijini Dar, baada ya kuwaondosha El-Mereikh ya Sudan jana kwa mikwaju ya penati kufuatia kumalizika kwa dakika 90 huku timu hizo zikiwa sare ya 1-1. Kwa hatua hiyo sasa Simba wameketi mezaji na sahani ya pilau huku wakimsubiri mtani wao wa Jadi Yanga iwapo atafanikiwa kuwagalagaza St. George katika mchezo wake wa nusu fainali unaochezwa leo jioni kwenye Uwanja wa Taifa. Picha na Blog ya Michuzi

Amiri Maftah wa Simba (kulia) akijiandaa kupiga krosi mbele ya beki wa El-Mereikh wakati wa mchezo wao wa nusu fainali uliochezwa jana.

Kipa wa Simba, Juma Kaseja, akishangilia ushindi na mchezaji mwenzake, Patrick Mafisango.