*SERIKALI KUIPA NGUVU TUME YA KUDHIBITI DAWA ZA KULEVYA

Waziri wa Nchi, Ofisi ya Waziri mkuu Sera, Uratibu na Bunge, William Lukuvi ,akizungumza na waandishi wa habari na baadhi ya maofisa wa Tume ya Kudhibiti Dawa za Kulevya Nchini baada ya kuitembelea Tume hiyo ijini Dar es Salaam leo. Pamoja na mambo mengine amesema kuwa tume hiyo inakabiliwa na changamoto mbalimbali ikiwemo ile ya kuthibiti uingizwaji wa biashara haramu ya dawa za kulevya pamoja na udhaifu wa sheria iliyopo ya kupambana na kuthibiti dawa hizo ambapo amesema kuwa Serikali imeanza mkakati wa kuunda timu itakayotoa mapendekezo kuhusu uimarishaji wa sera, muundo na urekebishaji wa sheria ya kudhibiti dawa za kulevya ya mwaka 1995, ili kutoa uwezo kwa Tume hiyo kuwashughulikia moja kwa moja wanaojihusisha na biashara hiyo. Picha Zote na Aron Msigwa- MAELEZO

Kamishina wa Tume ya Kudhibiti Dawa za Kulevya nchini,Christopher Joseph Shekiondo, akitoa Taarifa ya utendaji kazi wa Tume ya kudhibiti Dawa za kulevya kwa Waziri wa Nchi, Ofisi ya Waziri mkuu Sera, Uratibu na Bunge William Lukuvi (kushoto) wakati wa mkutano na waandishi wa habari jijini Dar es Salaam leo, ambapo ametoa wito kwa wananchi kuwafichua wanaojihusisha na biashara ya dawa za kulevya.

Lukuvi akizungumza na waandishi wa habari wakati wa mkutano huo.