*IDD AZAN KUZINDUA FIMAM YA SHOGA FEBRUARI 4 TRAVERTINE MAGOMENI

Tino akipokea simu za wadau wa filamu yake wakiomba 'Complimentary' za kuingia katika uzinduzi wa filamu yake.

Na Sufianimafoto Reporter, jijini

MBUNGE wa kinondoni Idd Azan, anatarajia kuwa mgeni rasmi katika uzinduzi wa filam mpya ya Shoga, ya msanii wa filam, Hisani Muya maarufu kama Tino, inayotarajia kuzinduliwa Februari 4 kwenye Ukumbi wa Travertine Magomeni.

Akizungumza na Sufianimafoto, msanii huyo alisema kuwa uzinduzi huo unaosimamiwa na redio Clouds kama wadhamni wakuu, utasindikizwa na Shoo ya bendi ya Mapacha watatu, Shoo ya Khanga moja kutoka kwa kundi la Madada wa Mwananyamala pamoja na shoo kutoka kwa wasanii mbalimbali waliojitolea kufika kusindikiza uzinduzi wa msanii mwenzao.

Aidha alisema kuwa ameamua kutunga na kurekodi filam hiyo, itakayoanza kuuzwa baada ya uzinduzi kwa ajili ya kuelimisha , na kufurahisha jamii kupitia filam hiyo, ili kukomesha ama kuzuia tabia kama hizo kwa wanajamii.

“Kupitia matangazo ya filamu hii yaliyoanza kurushwa na vyombo vya habari, tayari nimeshaanza kupigiwa simu na mashoga, wakilaani mimi kuigiza filamu hii wakidai eti nawaharibia kazi yao” alisema Tino

Aliwataja baadhi ya wasanii walioshiriki katika filamu hiyo kuwa ni pamoja na Aunt Ezekiel, Paster Miamba, Chemundugwao, Kemmy, Hassan Tx Moshi, Jacline Walper, Otilia, Mzee Magari, Dude na wengine wengi.

Tino aliwashukuru wasanii kwa kutambua kuwa yeye ni msanii aliyejuu zaidi yao na kuwaasa wasanii wa filamu wajiamini katika kazi zao na pia waache kuchagua nafasi za kucheza katika filamu wanazokuwa wakiigiza.

“Watu kibao wamekuwa wakinipigia simu za kunipongeza na wengine kuniponda kuhusu filamu hii wakidai kuwa nimejidhalilisha kwa kuigiza kama shoga na wengine kunishangaa hata ninapopishana nao njiani huwa wakiniangalia mara mbilimbili kama vile hawaamini kama ni mimi nilieigiza kama shoga,

Na pia nawaasa wasanii wajiamini katika kazi zao na wasichague nafasi za kucheza kwenye filamu wanazoigiza kwani kila filamu inakuwa na maana yake na mafundisho yake kwa jamii” alisema Tino.

Pia Tino aliwataka wasanii kuumiza kichwa katika kutunga na kuandaa filamu zenye kutoa elimu kwa jamii na kutafuta mawazo ambayo itamshitua yeye na kujiona kuwa kazi yake hiyo iliyowashitua watu imezidiwa na ambayo kwake itaoekana ni ngumu kucheza.

Viingilio katika uzinduzi huo ni VIP Sh. 10,000 na kawaida ni Sh. 7,000.