Wachezaji wa timu ya Sporting Lisbon, wakishangilia ushindi wa bao 1-0 baada ya kuiadhibu, Man City katika mchezo uliochezwa jana. Man City itakuwa na kibarua kigumu katika mchezo wa marudiano ambapo itatakiwa kuifunga Sporting Lisbin ya Ureno wiki mbili zijazo baada ya kuchapwa 1-0 ugenini. Hii ilikuwa ni katika mechi za timu 16 bora katika kinyang'anyiro cha kombe la Euro. Man City walitoka uwanjani wakiwa wanyonge baada ya kuchezewa na vijana wa Ureno ambao walikuwa wakionana vilivyo na kuwafanya Man City kuutafuta mpira kwa 'Tochi'. Bao la kwanza na la pekee la Sporting lilifungwa mara tu baada ya kipindi cha lala salama kuanza. Wadadisi wa soka wanadai kuwa licha ya kulala kwa bao 1-0, lakini bado Man City inanafasi nzuri ya kuifunga Sporting Lisbon na hatimaye kusonga mbele katika michuano hiyo ya kombe la Europa.
Mchezaji wa timu ya Sporting, Diego Capel (kushoto) akimdhibiti Gael Clichy wa Manchester City, wakati wa mchezo huo. Man City ilichapwa bao 1-0.
No comments:
Post a Comment