KIUNGO mkabaji wa kimataifa aliyekuwa akiichezea timu ya Simba Sports Club ya Jijini Dar es Salaam, Raia wa Rwanda, Patrick Mutesa Mafisango, amefariki dunia alfajiri ya leo kwa ajali ya gari iliyotokea maeneo ya Tazara, Dar es Salaam.
Mafisango amefariki kwa ajali ya gari eneo la Tazara jijini Dar es Salaam.
Mafisango amekutwa na umauti huo wakati akiwa njiani kurejea nyumbani kwake, akitoka kujirusha Disko na kwa sasa mwili wake umehifadhiwa katika Hospitali ya Taifa ya Muhimbili.
Akizungumza kwa njia ya simu na Mtandao huu wa www.sufianimafoto.blogspot.com, Meneja wa Simba SC, Nico Njohole, amethibitisha kifo cha mchezaji huyo na amesema hilo ni pigo kubwa kwa klabu hiyo, ambayo bado ilikuwa katika furaha ya kushangilia ushindi wake wa kutwaa Ubingwa wa Ligi Kuu ya Tanzania Bara.
Mafisango aliyejiunga na Klabu ya Simba akitokea timu ya Azam Fc, mwaka jana alizaliwa Machi 7, mwaka 1987, nchini Rwanda na kabla ya kutua nchini aliwahi kuichezea timu ya APR ya Rwanda.
Mchezaji huyo atakumbukwa kwa mchango wake mkubwa katika Klabu hiyo kwa msimu huu uliomalizika hivi juzi na kung'aa zaidi katika Ligi hiyo kwa kupachika mabao na kutoa pasi za mwisho, ambapo Mechi ya mwisho ya Mafisango ilikuwa ni kati ya Simba dhidi ya Al Ahly Shandy Jumapili katika hatua ya 16 Bora ya Kombe la Shirikisho, ambayo Simba ilitolewa kwa penalti 9-8, kufuatia sare ya jumla ya 3-3.
Wakati mechi ya kwanza kati ya Simba na Wasudan hao iliyochezwa hapa nyumbani katika Uwanja wa Taifa, Mafisango aliweza kuifungia timu yake bao moja kati ya matatu yaliyoiwezesha Simba kuibuka na ushindi wa mabao 3-0 katika mchezo huo.
Poleni wana Simba, Wanamichezo na mashabiki wote kwa ujumla, Bwana ametoa na Bwana ametwaa jina la Bwana lihimidiwe Amina
Mafisango, (kushoto) akipiga mahesabu ya kuwahi mpira baada ya Okwi, (mwenye mpira) kuwatoka mabeki wa kulia wa timu hiyo, ambapo aliweza kuuwahi mpira huo na kufunga bao.
Mafisango akiwa katikati ya msitu wa mabeki baada ya kuuwahi mpira huo na kumchambua kipa wa Al- Ahary Shandy ya Sudan, kama anavyoonekana akimchambua kipa huyo katika mchezo uliochezwa kwenye Uwanja wa Taifa jijini Dar es Salaam.
Mafisango (kulia) akishangilia bao lake na kuwahasa mashabiki wa Yanga, waliokuwa wakiishangilia timu hiyo ya Sudan kuendelea kushangia.
Mafisango, akiwakebehi Mashabiki wa Yanga waliokuwa wakiishangilia timu hiyo, kuwa ''Mbona mnaondoka, wakati muda wa mchezo kumalizika bao? kaeni mpate raha'', Mungu iweke Roho ya Marehemu Patrick Mutesa Mafisango, mahala pema peponi, Amein.
utakumbukwa kwa mengi mafisango,REST IN PEACE kiungo wetu wa SIMBA.
ReplyDelete