Na. Lemmy Hipolite
Kofia ngumu za kusaidia kuokoa kichwa dhidi ya majanga mbalimbali iwe ni katika maeneo ya ujenzi au katika vyombo vya usafiri ni muhimu sana kwetu tunapokuwa katika mazingira hayo.
Tunaishukuru serikali kwa kutumia idara zake husika kuhimiza matumizi ya kofia hizi hasa kwa madereva wa usafiri wa pikipiki maarufu kama Bodaboda.
Kama inavyojulikana mtu ni afya na pia tunafahamu kuna baadhi ya magonjwa ya kuambukiza kwa njia ya kugusana, kutumia kitu kimoja watu wawili au zaidi na mengine kwa njia ya maji, hewa, mbu, kujamiiana na kadhalika.
Hapa kwenye hili la kofia ngumu bado hainiingii akilini vizuri jinsi gani twaweza kukwepa magonjwa ya ngozi na mba japo sio lazima tuyapate wala hatuyaombei ila tunaangalia uhalisia wa matumizi ya kofia hizi.
Ndugu zangu wataalamu wa magonjwa ya ngozi na tiba hili likoje katika uhalisia wake? Sichokonoi ila naomba kufahamu tu kwamba tuwe tunazifua? Au ? Mzingatie pia je zitakauka?.
Wadau sijasema msivae helmet la hasha nimeulizia tu ili woote tupate fahamu.
Na hata madereva wa bodaboda huwa wana kofia mbili moja ikiwa ni ya abiria ambapo ya abiria huvaliwa na kila abiria atakayepanda kwa siku hiyo, na si kwamba kila abiria hupewa kofia yake ila ni moja tu kama siti za dalada kwamba kila anayepanda akifika kituoni kwake hutelemke na kuachia siti, ambayo itakaliwa na abiria mwingine.
Karibu uchangie maoni yako kwa kubofya hapa
No comments:
Post a Comment