ABIRIA WA KIGOMA WACHEKELEA KUSAFIRI NA MABEHEWA MAPYA DAR/KIGOMA

BAADHI ya abiria wakipanda Treni ya kuelekea Mkoani Kigoma katika kituo cha Kamata Dar es Salaam, jana ambapo kwa mara ya kwanza abiria hao wamesafiri kwa kutumia mabehewa mapya yaliyowasili hivi karibuni.

SHIRIKA la Reli Tanzania (TRC) limekuja na mikakati mipya ya kuwahudumia Watanzania kwa kutopandisha nauli msimu huu wa sikukuu za mwisho wa mwaka.

Kauli hiyo imetolewa Dar es Salaam leo na Mkurugenzi Mkuu wa Shirika hilo, Masanja Kadogosa wakati akizindua rasmi safari ya kwanza ya Dar es Salaam /Kigoma kwa kutumia mabehewa mapya 21 kati ya 22 yaliyowasili nchini hivi karibuni.

Aidha Kadogosa amesema, katika msimu huu wa Sikukuu Watanzania walio wengi  wanakwenda katika sikukuu za X-Masi na ,mwaka mpya, hivyo TRC imejipanga  kuhakikisha inawahudumia vizuri zaidi ya mwaka jana kwa kutopandisha nauli na kuwaongezea idadi ya safari kutoka mara mbili hadi mara tatu kwa wiki .

“Kama tujuavyo kwa wenzetu wa Kaskazini ni jadi yao kurudi makwao kila mwishoni mwa mwaka kusalimia  na ikifika Januari na Februari  hurejea tena Dar es Salaam kwa wingi, hivyo wasiwe na wasiwasi kuhusu usafiri kwani mwaka huu watakuwa zaidi ya mwaka jana ,” alisema.

MABEHEWA MAPYA 21 KWENDA KIGOMA Kadogosa amesema mabehewa mapya yaliyokuwa yakifanyiwa majaribio kwa mujibu wa sheria baada ya kupitishwa na  Mamlaka ya Usafiri Ardhini (LATRA) na kuona yanakidhi mahitaji ya kusafirisha abiria.

“ Hatimaye leo tumeanza safari rasmi kwa kutumia mabehewa mapya 21 ya Meter Gauge (MGR) kwenda Kigoma na treni itakaporejea Dar es Salaam, itaanza safari ya kwenda Kilimanjaro ambapo  mabehewa hayo yatasaidia kupunguza  msongamano wa abiria kugombania upatikanaji wa tiketi,” amesema.

Mabehewa hayo yalinunuliwa na serikali kwa lengo la kuongeza ufanisi  katika kutoa huduma ya usafiri wa reli nchini.

Aidha Kadogosa amesema safari rasmi zimeanza baada ya majaribio ya awali  umbali wa  kilometa 400 kutoka Dar es Salaam –Morogoro ambapo LATRA imeridhia mabehewa hayo  kuanza kazi rasmi.

Mabehewa mapya  ya abiria ni 20  ambayo yamebeba jumla ya abiria 1500  wanaotoka Dar es Salaam kwenda Kigoma  huku behewa moja  likitengwa  kwa ajili ya huduma za mgahawa.

 “Kufuatia  ununuzi wa mabehewa  hayo, Shirika hilo limeongeza  idadi ya mabehewa ya treni ya Deluxe kwenda mikoa ya Kaskazini kutoka mabehewa sita hadi 16 na njia ya reli ya kati kutoka  mabehewa 4 hadi 20,” alifafanua.

 Alisema TRC  itaongeza idadi ya mabehewa kutokana na kuongezeka kwa idadi ya watu watakaojitokeza kutumia usafiri huo.

Akizungumza na Blog hii mmoja kati ya  abiria waliosafiri na treni hiyo, aliyejitambulisha kwa jina la Sheha Ibrahim,  amesema kuwa mabehewa hayo yako vizuri na yakiendelea hivyo yatavutia watu wengi kutumia usafiri wa treni na kuachana na mabasi.

‘’Nauli ya usafiri huo haijaongezwa  kwani wanatumia za  zamani za treni ya deluxe ambayo kwa daraja la kulala  ilikuwa sh. 65,000 kutoka Dar es Salaam- Kigoma.

‘’ Ni ukombozi kwetu Watanzania kupata mabehewa kama haya kwa sababu yaliyokuwepo hayana hali nzuri  hivyo itatusaidia sisi kuachana na mabasi,” amesema.

Desemba 6, mwaka huu, jumla ya mabehewa mapya 22  yalikamilisha taratibu za kufanya majaribio kutoka Dare s Salaam - Morogoro na kurudi na LATRA kuridhia kuanza kubeba abiria nchini.MKURUGENZI Mkuu wa Shirika la Reli Tanzania, Masanja Kadogosa, akimkabidhi dereva wa Treni, Line clear ili kuanza safari yake ya kutoka Dar es Salaam kuelekea Kigoma wakati wa uzinduzi wa safari hiyo kwa kutumia mabehewa mapya 21 kati ya 22 yaliyowasili hivi karibuni. Treni hiyo imeondoka jana baada ya kufanyiwa majaribio Desemba 6 mwaka huu na kupewa kibali na LATRA. Kushoto ni Mkuu wa Kitengo cha Mahusiano TRC, Jamila Mbarouk. (Picha na Muhidin Sufiani)MKURUGENZI Mkuu wa Shirika la Reli Tanzania, Masanja Kadogosa, akipeperusha bendera kuashiria kumruhusu dereva  wa Treni,kuanza safari yake ya kutoka Dar es Salaam kuelekea Kigoma wakati wa uzinduzi wa safari hiyo kwa kutumia mabehewa mapya 21 kati ya 22 yaliyowasili hivi karibuni. Treni hiyo imeondoka jana baada ya kufanyiwa majaribio Desemba 6 mwaka huu na kupewa kibali na LATRA. Kushoto ni Mkuu wa Kitengo cha Mahusiano TRC, Jamila Mbarouk.BAADHI ya abiria wakipanda Treni ya kuelekea Mkoani Kigoma katika kituo cha Kamata Dar es Salaam, jana ambapo kwa mara ya kwanza abiria hao wamesafiri kwa kutumia mabehewa mapya yaliyowasili hivi karibuni. BAADHI ya abiria wakipanda Treni ya kuelekea Mkoani Kigoma katika kituo cha Kamata Dar es Salaam, jana ambapo kwa mara ya kwanza abiria hao wamesafiri kwa kutumia mabehewa mapya yaliyowasili hivi karibuni.Abiria akipitisha mzigo dirishani akimpa mwenzake ili kumuwekea nafasiAbiria akipitisha mzigo dirishani akimpa mwenzake ili kumuwekea nafasiBaadhi ya abiria wakiwa ndani ya Treni hiyo wakipanga mizigo yaoBaadhi ya abiria wakiwa ndani ya Treni hiyo wakiwa na furaha kwa kupanda mabehewa mapya