*SERIKALI YATOA UFAFANUZI WA VIFAA VYA KUTOA RISITI ZA KIELETRONIK

Naibu Waziri wa Fedha  Saada Mkuya  Salum (kulia)akizungumza na waandishi wa habari leo kuhusu utata wa vifaa vya kieletronik vya kutoa risiti(EFD)

***********************************************

Na Magreth Kinabo

Serikali imesema imeshaelekeza wasambazaji wa vifaa vya eletroniki vya kutoa risiti (EFD) kuuzwa  kwa bei tofauti kulingana  na ubora wake.

Kauli hiyo imetolewa leo na Naibu Waziri wa Fedha  Saada Mkuya  Salum wakati  akizungumza na waandishi wa habari leo kwenye ukumbi wa Kimataifa wa Mwalimu J.K. Nyerere jijini Dar es Salaam.

 Naibu Waziri huyo ,alitoa ufafanuzi huo  baada kuulizwa swali na waandishi wa habari kufutia mgomo wa wafanyabiashara unaoendelea katika baadhi ya mikoa kufutia kifaa hicho kuuzwa kwa bei ya Sh. 700,000 na 800,000 ambayo wanadai  ghali.

“ Utumiaji wa EFD si kumkomoa mfanyabiashara bali ni kuongeza mapato ya Serikali katika kuendeleza maendeleo ya nchi".

Kwa mujibu wa  Naibu Waziri huyo alisema vifaa hivyo vipo vinavyouzwa kuanzia bei ya 100,000 na kuendelea,hivyo na kuwataka wasambazaji kuuza vifaa hivyo kulingana na bei iliyopangwa kulingana na ubora.